സംസ്ഥാനത്ത് 12 പുതിയ ഹോട്ട് സ്പോട്ടുകള്; 4 പ്രദേശങ്ങളെ ഒഴിവാക്കി
നിലവില് ആകെ 169 ഹോട്ട് സ്പോട്ടുകളാണ് ഉള്ളത്.
തിരുവനന്തപുരം: സംസ്ഥാനത്ത് ഇന്ന് 12 പുതിയ ഹോട്ട് സ്പോട്ടുകൾ. തിരുവനന്തപുരം ജില്ലയിലെ ആര്യനാണ് (കണ്ടയിന്മെന്റ് സോണ്: എല്ലാ വാര്ഡുകളും), കാരോട് (കണ്ടയിന്മെന്റ് സോണ് വാര്ഡ് 14, 15, 16), കണ്ണൂര് ജില്ലയിലെ വേങ്ങാട് (5), കാങ്കോല്-ആലപ്പടമ്പ (1), കൂടാളി (18), എറണാകുളം ജില്ലയിലെ മുളവുകാട് (3), ആലങ്ങാട് (7), ചൂര്ണിക്കര (7), വയനാട് ജില്ലയിലെ കല്പ്പറ്റ മുന്സിപ്പാലിറ്റി (5, 9, 11, 14, 15, 18, 19, ആനപ്പാലം റോഡ് മുതല് ബൈപാസ് റോഡിലെ ട്രാഫിക് ജങ്ഷന് വരെയുള്ള ഇരുവശത്തേയും കടകളും സ്ഥാപനങ്ങളും), പത്തനംതിട്ട ജില്ലയിലെ റാന്നി (1, 2), ആലപ്പുഴ ജില്ലയിലെ പത്തിയൂര് (12), പാലക്കാട് ജില്ലയിലെ കൊഴിഞ്ഞാമ്പാറ (8) എന്നിവയാണ് പുതിയ ഹോട്ട് സ്പോട്ടുകള്.
അതേസമയം 4 പ്രദേശങ്ങളെ ഹോട്ട് സ്പോട്ടില് നിന്നും ഒഴിവാക്കിയിട്ടുണ്ട്. മലപ്പുറം ജില്ലയിലെ പരപ്പനങ്ങാടി മുന്സിപ്പാലിറ്റി (കണ്ടയിന്മെന്റ് സോണ് വാര്ഡ് 31), പുല്പ്പറ്റ (7), കൊല്ലം ജില്ലയിലെ തൃക്കോവില്വട്ടം (6, 7, 9), കോട്ടയം ജില്ലയിലെ കോട്ടയം മുന്സിപ്പാലിറ്റി (36, 43) എന്നിവയേയാണ് കണ്ടയിൻമെന്റ് സോണില് നിന്നും ഒഴിവാക്കിയത്. നിലവില് ആകെ 169 ഹോട്ട് സ്പോട്ടുകളാണ് ഉള്ളത്.
സംസ്ഥാനത്ത് ഇന്നു മാത്രം 90 പേര്ക്കാണ് സമ്പര്ക്കത്തിലൂടെയാണ് രോഗം ബാധിച്ചത്. തിരുവനന്തപുരം ജില്ലയിലെ 60 പേര്ക്കും, എറണാകുളം ജില്ലയിലെ 9 പേര്ക്കും, മലപ്പുറം ജില്ലയിലെ 7 പേര്ക്കും, കോഴിക്കോട് ജില്ലയിലെ 5 പേര്ക്കും, ആലപ്പുഴ ജില്ലയിലെ 3 പേര്ക്കും, പത്തനംതിട്ട, കോട്ടയം ജില്ലകളിലെ 2 പേര്ക്ക് വീതവും, കൊല്ലം, ഇടുക്കി ജില്ലകളിലെ ഓരോരുത്തര്ക്കുമാണ് സമ്പര്ക്കത്തിലൂടെ രോഗം ബാധിച്ചത്. 3 ആരോഗ്യ പ്രവര്ത്തകര്ക്കും രോഗം ബാധിച്ചു. കോട്ടയം ജില്ലയിലെ രണ്ടും ഇടുക്കി ജില്ലയിലെ ഒന്നും ആരോഗ്യ പ്രവര്ത്തകര്ക്കാണ് രോഗം സ്ഥിരീകരിച്ചത്. ഇതുകൂടാതെ തൃശൂര് ജില്ലയിലെ 9 ബിഎസ്എഫ് ജവാനും കണ്ണൂര് ജില്ലയിലെ ഒരു സിഐഎസ്എഫ് ജവാനും ഒരു ഡി.എസ്.സി ജവാനും, ആലപ്പുഴ ജില്ലയിലെ 3 ഇന്ഡോ ടിബറ്റന് ബോര്ഡര് പോലിസിനും രോഗം ബാധിച്ചു.
