പുരാവസ്തു തട്ടിപ്പ്: സര്‍ക്കാരിനെതിരെ രൂക്ഷ വിമര്‍ശനവുമായി ഹൈക്കോടതി;മോന്‍സന്റെ ഡ്രൈവറുടെ ഹരജി തീര്‍പ്പാക്കണമെന്ന അപേക്ഷ തള്ളി

കൊച്ചി: പുരാവസ്തുവിന്റെ പേരില്‍ വന്‍ സാമ്പത്തിക തട്ടിപ്പ് നടത്തിയ കേസിലെ പ്രതി മോന്‍സന്‍ മാവുങ്കലുമായി ബന്ധപ്പെട്ട കേസില്‍ ഡ്രൈവര്‍ അജി നല്‍കിയ ഹരജി തീര്‍പ്പാക്കണമെന്ന് സര്‍ക്കാരിന്റെ അപേക്ഷ ഹൈക്കോടതി തള്ളി. സര്‍ക്കാരിനെതിരെ രൂക്ഷമായ വിമര്‍ശനം ഉന്നയിച്ചുകൊണ്ടാണ് കോടതി അപേക്ഷ തള്ളിയത്.സര്‍ക്കാര്‍ നല്‍കിയ ഹരജി എങ്ങനെ നിലനില്‍ക്കുമെന്നും കോടതി ചോദിച്ചു.ഹരജി പിഴ ചുമത്തി തള്ളുകയാണ് വേണ്ടതെന്നും കോടതി പറഞ്ഞു.പോലിസ് ഉദ്യോഗസ്ഥര്‍ ഉള്‍പ്പെടെയുള്ളവര്‍ക്കെതിരെ ഗുരുതര ആരോപണം ഇയര്‍ന്ന കേസാണിത്.മോന്‍സണ്‍ കേസില്‍ കണ്ണില്‍ കണ്ടതിനേക്കാള്‍ കൂടുതല്‍ ഉണ്ടോയെന്ന് സംശയിക്കുന്നുവെന്നും കോടതി ചൂണ്ടിക്കാട്ടി.