Kerala

പിഎസ് സിയുടെ പേരില്‍ ചെറുപ്പക്കാരെ തെറ്റിദ്ധരിപ്പിക്കുന്നു;പത്തും ഇരുപതും വര്‍ഷമായി ജോലിചെയ്യുന്നവരെ പിരിച്ചുവിടാന്‍ കഴിയില്ലെന്ന് മന്ത്രി ഇ പി ജയരാജന്‍

ജീവകാരുണ്യപ്രശ്‌നമാണിത്.ഈ തസ്തികകള്‍ ഒന്നും പി എസ് സി തസ്തികകള്‍ അല്ല.ഈ സാഹചര്യത്തില്‍ ഇവരെ സ്ഥിരപ്പെടുത്തകയെന്നല്ലാതെ മറ്റൊരും നടപടിയും ആര്‍ക്കും സ്വീകരിക്കാന്‍ കഴിയില്ല.അവരുടെയെങ്കിലും ജീവിതം സുരക്ഷിതമായി ആ കുടുംബങ്ങള്‍ എങ്കിലും മര്യാദയ്ക്ക് കഴിയട്ടെ അതിനെ നശിപ്പിക്കാന്‍ പുറപ്പെടരുതെന്നും മന്ത്രി പറഞ്ഞു

പിഎസ് സിയുടെ പേരില്‍ ചെറുപ്പക്കാരെ തെറ്റിദ്ധരിപ്പിക്കുന്നു;പത്തും ഇരുപതും വര്‍ഷമായി ജോലിചെയ്യുന്നവരെ പിരിച്ചുവിടാന്‍ കഴിയില്ലെന്ന് മന്ത്രി ഇ പി ജയരാജന്‍
X

കൊച്ചി:പത്തും ഇരുപതും വര്‍ഷം ഒരു സ്ഥലത്ത് ജോലി ചെയ്തുവരുന്നവരെ പിരിച്ചുവിടാന്‍ കഴിയില്ലെന്ന് മന്ത്രി ഇ പി ജയരാജന്‍.കൊച്ചിയില്‍ മാധ്യമപ്രവര്‍ത്തകരോട് സംസാരിക്കുകയായിരുന്നു അദ്ദേഹം.ജീവകാരുണ്യപ്രശ്‌നമാണിത്.ഈ തസ്തികകള്‍ ഒന്നും പി എസ് സി തസ്തികകള്‍ അല്ല.ഈ സാഹചര്യത്തില്‍ ഇവരെ സ്ഥിരപ്പെടുത്തകയെന്നല്ലാതെ മറ്റൊരും നടപടിയും ആര്‍ക്കും സ്വീകരിക്കാന്‍ കഴിയില്ല.അവരുടെയെങ്കിലും ജീവിതം സുരക്ഷിതമായി ആ കുടുംബങ്ങള്‍ എങ്കിലും മര്യാദയ്ക്ക് കഴിയട്ടെ അതിനെ നശിപ്പിക്കാന്‍ പുറപ്പെടരുതെന്നും മന്ത്രി പറഞ്ഞു.

ജനങ്ങളോട് പ്രതിബദ്ധതയുള്ള ഒരു പാര്‍ട്ടിക്കും ഇതിനെ എതിര്‍ക്കാന്‍ കഴിയില്ല.പിഎസ് സിയുടെ പേരില്‍ തൊഴില്‍ രഹിതരായ ചെറുപ്പക്കാരെ തെറ്റിദ്ധരിപ്പിക്കാനാണ് ശ്രമം നടക്കുന്നതെന്നും എല്ലാവര്‍ക്കും തൊഴില്‍ നല്‍കനാണ് തങ്ങള്‍ ശ്രമിക്കുന്നതെന്നും ഇ പി ജയരാജന്‍ പറഞ്ഞു.ശബരി മല വിഷയത്തില്‍ സര്‍ക്കാരിന് പറയാനുള്ളത് സമയമാകുമ്പോള്‍ പറയും.നിയമ നിര്‍മാണം നടത്തുമെന്ന് പറഞ്ഞവരോട് തന്നെ അക്കാര്യം ചോദിക്കണമെന്നും കോടതിയിലുള്ള വിഷയമാണിതെന്നും ചോദ്യത്തിന് മറുപടിയായി മന്ത്രി ഇ പി ജയരാജന്‍ വ്യക്തമാക്കി.

Next Story

RELATED STORIES

Share it