തിരഞ്ഞെടുപ്പ് അവലോകനം: കെപിസിസി നേതൃയോഗം ഇന്നുചേരും
ആറ് നിയമസഭാ മണ്ഡലങ്ങളിൽ നടക്കാനിരിക്കുന്ന ഉപതിരഞ്ഞെടുപ്പിന്റെ പ്രാഥമിക ചർച്ചകളും യോഗത്തിലുണ്ടാവും.
തിരുവനന്തപുരം: സംസ്ഥാനത്തെ ലോക്സഭാ തിരഞ്ഞെടുപ്പ് അവലോകനത്തിനായി കെപിസിസി നേതൃയോഗങ്ങൾ ഇന്ന് തിരുവനന്തപുരം ഇന്ദിരാഭവനില് ചേരും. കെപിസിസി പ്രസിഡന്റ് മുല്ലപ്പള്ളി രാമചന്ദ്രന്റെ അധ്യക്ഷതയിലാവും യോഗം ചേരുക.
കെപിസിസി മുന് പ്രസിഡന്റുമാരുടേയും കെപിസിസി വര്ക്കിങ് പ്രസിഡന്റുമാര്, വൈസ് പ്രസിഡന്റുമാര്, ജനറല് സെക്രട്ടറിമാര്, ഡിസിസി പ്രസിഡന്റുമാര്, പാര്ലമെന്റ് മണ്ഡലങ്ങളില് മൽസരിച്ച സ്ഥാനാര്ഥികൾ എന്നിവരുടെ സംയുക്ത യോഗം ഉച്ചയ്ക്ക് രണ്ടിനു ചേരും. തുടർന്ന് വൈകുന്നേരം അഞ്ചിന് കെപിസിസി രാഷ്ട്രീയകാര്യ സമിതി യോഗവും ചേരും.
സംസ്ഥാനത്തെ 20ൽ 19 മണ്ഡലങ്ങളിലും നേടിയ വിജയം കോൺഗ്രസിന് ആത്മവിശ്വാസം ഉയർത്തിയിട്ടുണ്ട്. എന്നാൽ, ഇടതു കോട്ടകളിൽ പോലും അട്ടിമറി വിജയം നേടിയിട്ടും സിറ്റിങ് സീറ്റായിരുന്ന ആലപ്പുഴയിൽ നേരിട്ട തോൽവി വിമർശനത്തിന് കാരണമായിട്ടുണ്ട്. സ്ഥാനാർഥി ഷാനിമോൾ ഉസ്മാനും പരാതിയുമായി രംഗത്തുവന്ന സാഹചര്യത്തിൽ ഇക്കാര്യം യോഗം വിശദമായി ചർച്ച ചെയ്യും.
ആറ് നിയമസഭാ മണ്ഡലങ്ങളിൽ നടക്കാനിരിക്കുന്ന ഉപതിരഞ്ഞെടുപ്പിന്റെ പ്രാഥമിക ചർച്ചകളും യോഗത്തിലുണ്ടാവും. ഉപതിരഞ്ഞെടുപ്പ് നടക്കുന്ന ആറു മണ്ഡലങ്ങളിൽ പാല, മഞ്ചേശ്വരം സീറ്റുകൾ ഘടകകക്ഷികളുടേതാണ്. ബാക്കിയുള്ള നാലു സീറ്റുകളിൽ കോൺഗ്രസാണ് മൽസരിക്കുന്നത്. ഇതിൽ മൂന്നെണ്ണം സിറ്റിങ് സീറ്റുകളാണ്. ഉപതിരഞ്ഞെടുപ്പിലെ വിജയം അഭിമാന പോരാട്ടമായതിനാൽ കരുത്തരായ സ്ഥാനാർഥികളേയാവും കോൺഗ്രസ് ഇക്കുറി രംഗത്തിറക്കുക.
നിയമസഭാ സമ്മേളനം ആരംഭിച്ച സാഹചര്യത്തിൽ സഭയിൽ ഉന്നയിക്കേണ്ട വിഷയങ്ങളെ സംബന്ധിച്ച ധാരണയും യോഗത്തിലുണ്ടാവും.
RELATED STORIES
കട്ടപ്പനയിൽ കാട്ടുപന്നി കിണറ്റിൽ വീണു; വനം വകുപ്പ് ഉദ്യോഗസ്ഥരെത്തി...
20 April 2024 10:41 AM GMTത്രിപുരയില് വീണ്ടും വോട്ടെടുപ്പ് നടത്തണമെന്ന് ഇടതുമുന്നണി; പരാതിക്ക്...
20 April 2024 10:40 AM GMTതനിക്കെതിരെ എസ്എഫ്ഐ നടത്തിയത് പ്രതിഷേധമല്ല, ആക്രമണമാണ്: ഗവര്ണര്...
20 April 2024 10:34 AM GMTപക്ഷിപ്പനി; പഞ്ചായത്ത് തല സമിതികള് കൂടി മേല്നടപടികള് സ്വീകരിക്കും: ...
20 April 2024 10:30 AM GMTതൊഴിലാളികളെ രാഷ്ട്രീയവല്ക്കരിക്കും; എസ്ഡിടിയു സംസ്ഥാന പ്രതിനിധി...
20 April 2024 10:27 AM GMTനുണക്ക് സമ്മാനം കൊടുക്കുകയാണെങ്കിൽ ഒന്നാം സ്ഥാനം വിഡി സതീശന് കിട്ടും : ...
20 April 2024 10:26 AM GMT