അരക്കിലോ കഞ്ചാവുമായി ബീഹാര്‍ സ്വദേശികള്‍ പിടിയില്‍

കൊച്ചി: എറണാകുളത്ത് അരക്കിലോ കഞ്ചാവുമായി ബീഹാര്‍ സ്വദേശികളായ രണ്ടു യുവാക്കള്‍ പോലിസ് പിടിയില്‍.ബജറങ്കി കുമാര്‍ (23), സമര്‍ കുമാര്‍ (19) എന്നിവരെയാണ് അരക്കിലോ കഞ്ചാവുമായി കാക്കനാട് ഭാഗത്ത് നിന്നും കൊച്ചി സിറ്റി ഡാന്‍സാഫും, തൃക്കാക്കര പോലിസും ചേര്‍ന്ന് പിടികൂടിയത്. ഇവരുടെ പക്കലുണ്ടായ ബാഗില്‍ നിന്നും 118 ചെറിയ പൊതികളിലാക്കി സൂക്ഷിച്ച കഞ്ചാവ് കണ്ടെടുത്തതായി പോലിസ് പറഞ്ഞു.

ബീഹാറില്‍ നിന്നും വലിയ തോതില്‍ കഞ്ചാവ് കേരളത്തില്‍ എത്തിച്ച് ചെറിയ പൊതികളാക്കിയാണ് പ്രതികള്‍ വില്‍പ്പന നടത്തിയിരുന്നത്. ഒരു പൊതി ഗഞ്ചാവിന് 500 രൂപ നിരക്കിലാണ് ഇവര്‍ ഈടാക്കിയിരുന്നത്. പ്രധാനമായും ഇതര സംസ്ഥാന തൊഴിലാളികള്‍ക്കാണ് ഇവര്‍ കഞ്ചാവ് വില്‍പ്പന നടത്തിയിരുന്നത്. കൂടുതല്‍ പ്രതികള്‍ സംഭവത്തില്‍ ഉള്‍പ്പെട്ടിട്ടുണ്ടോയെന്ന് അന്വേഷിച്ചു വരികയാണെന്ന് പോലിസ് പറഞ്ഞു.

മയക്കുമരുന്ന് മാഫിയയെക്കുറിച്ചുള്ള വിവരങ്ങള്‍ 9995966666 എന്ന വാട്ട്‌സ് ആപ്പ് ഫോര്‍മാറ്റിലെ യോദ്ധാവ് ആപ്പിലക്ക് വീഡിയോ, ഓഡിയോ ആയോ നാര്‍ക്കോട്ടിക് സെല്‍ പോലിസ് അസിസ്റ്റന്റ്് കമ്മീഷണറുടെ 9497990065 നമ്പരിലേക്കോ, 9497980430 എന്ന ഡാന്‍സാഫ് നമ്പരിലേക്കോ അറിയിക്കണമെന്നും അവരുടെ വിവരങ്ങള്‍ രഹസ്യമായിരിക്കുമെന്നും കൊച്ചി സിറ്റി പോലീസ് കമ്മീഷണര്‍ അറിയിച്ചു.