പാലക്കാട് ജയ് ശ്രീറാം വിളിച്ച് ബിജെപി കൗണ്‍സിലര്‍മാര്‍; ദേശീയ പതാക പ്രദര്‍ശിപ്പിച്ച് എല്‍ഡിഎഫ് കൗണ്‍സിലര്‍മാര്‍

പാലക്കാട്: പുതുതായി തിരഞ്ഞെടുക്കപ്പെട്ട അംഗങ്ങളുടെ സത്യപ്രതിജ്ഞക്ക് ശേഷം നാടകീയ രംഗങ്ങള്‍. സത്യപ്രതിജ്ഞക്ക് ശേഷം ബിജെപി കൗണ്‍സിലര്‍മാര്‍ ജയ് ശ്രീറാം വിളിക്കുകയായിരുന്നു. ഇതിനെ തുടര്‍ന്ന് സിപിഐഎം കൗണ്‍സിലര്‍മാര്‍ ദേശീയ പതാകയുമായി പ്രതിഷേധിച്ചു.

തദ്ദേശ തിരഞ്ഞെടുപ്പ് വോട്ടെണ്ണല്‍ ദിവസം പാലക്കാട് നഗരസഭയില്‍ ബിജെപി പ്രവര്‍ത്തകര്‍ ജയ് ശ്രീറാം ബാനര്‍ ഉയര്‍ത്തിയിരുന്നു. ഇതിനെ തുടര്‍ന്നുണ്ടായ സംഭവവികാസങ്ങളുടെ തുടര്‍ച്ചയാണ് ഇന്ന് നടന്നത്.

വിഷയത്തില്‍ പ്രതിഷേധമുര്‍ത്തി സിപിഎമ്മും കോണ്‍ഗ്രസുമുള്‍പ്പടെയുള്ള പ്രതിപക്ഷ പാര്‍ട്ടികള്‍ രംഗത്തെത്തിയുരുന്നു. മാത്രമല്ല നഗരസഭ സെക്രട്ടറിയുടെ പരാതിയെ തുടര്‍ന്ന് പോലിസ് കേസെടുക്കുകയും ചെയ്തിരുന്നു.

അതേസമയം ബിജെപി പ്രവര്‍ത്തകരുടെ പ്രകടനത്തെ പിന്തുണച്ച് കൊണ്ട് ബിജെപി നേതാക്കളും രംഗത്തെത്തിയിരുന്നു. പാലക്കാട് കേരളത്തിന്റെ ഗുജറാത്താണെന്ന് പറഞ്ഞുകൊണ്ടാണ് ബിജെപി സംസ്ഥാന വക്താവ് സന്ദീപ് വാര്യര്‍ ഇതിന്റെ വീഡിയോ പങ്കുവെച്ചത്. ബിജെപി പ്രവര്‍ത്തകരുടെ ഈ നടപടിയ്‌ക്കെതിരേ വ്യാപകവിമര്‍ശനമുയര്‍ന്നിരുന്നു.