സ്വർണമാലകളുമായി വിമാനത്താവളത്തിൽ ഒരാൾ പിടിയിൽ

തിരുവനന്തപുരം: അരക്കിലോയോളം തൂക്കംവരുന്ന സ്വർണമാലകളുമായി വിമാനത്താവളത്തിൽ ഒരാളെ കസ്റ്റംസ് പിടികൂടി. കോഴിക്കോട് സ്വദേശി നഷീദിനെ(32) ആണ് തിരുവനന്തപുരം വിമാനത്താവളത്തിലെ കസ്റ്റംസിന്റെ എയർ ഇന്റലിജൻസ് യൂണിറ്റ് പിടികൂടിയത്. കഴിഞ്ഞ രാത്രി ദോഹയിൽ നിന്നെത്തിയ എയർ ഇന്ത്യ എക്സ്‌പ്രസ് വിമാനത്തിലെ യാത്രക്കാരനാണ് ഇയാൾ. കൈയിലുണ്ടായിരുന്ന ഹാൻഡ്ബാഗിനുള്ളിൽ ഒളിപ്പിച്ചാണ് മാലകൾ കടത്തിയത്. 19.25 ലക്ഷം രൂപയുടെ മാലകളാണ് കണ്ടെടുത്തതെന്ന് കസ്റ്റംസ് അധികൃതർ പറഞ്ഞു.