വീടുകളില് സൗജന്യമായി ഡയാലിസിസ് ചെയ്യുന്ന പദ്ധതി 11 ജില്ലകളില്
തിരുവനന്തപുരം: ആശുപത്രികളിലെത്താതെ രോഗികള്ക്ക് വീട്ടില് തന്നെ സൗജന്യമായി ഡയാലിസ് ചെയ്യാന് കഴിയുന്ന പെരിറ്റോണിയല് ഡയാലിസിസ് പദ്ധതിക്ക് 11 ജില്ലകളില് തുടക്കമായി. ശരീരത്തിനുള്ളില് തന്നെ രക്തം ശുദ്ധീകരിപ്പിക്കുന്നതാണ് പെരിറ്റോണിയല് ഡയാലിസിസ്. ആശുപത്രികളില് മാത്രം ചെയ്യാവുന്നതും ഏറെ ചെലവേറിയതും ശാരീരികമായ ബുദ്ധിമുട്ടുകളുമുള്ള ഹീമോ ഡയാലിസിസ് പടിപടിയായി കുറയ്ക്കുന്നതിന്റെ ഭാഗമായിട്ടാണ് പെരിറ്റോണിയല് ഡയാലിസിസ് പദ്ധതി വര്ധിപ്പിച്ചത്.
തിരുവനന്തപുരം, കൊല്ലം, ആലപ്പുഴ, എറണാകുളം, തൃശൂര്, പാലക്കാട്, മലപ്പുറം, കോഴിക്കോട്, വയനാട്, കണ്ണൂര്, കാസര്കോട് ജില്ലകളിലാണ് നിലവില് ഈ സൗകര്യമുള്ളത്. ബാക്കിയുള്ള മൂന്ന് ജില്ലകളില് കൂടി ഉടന് തന്നെ പെരിറ്റോണിയല് ഡയാലിസിസ് ആരംഭിക്കുമെന്ന് ആരോഗ്യമന്ത്രി വീണാ ജോര്ജ് വ്യക്തമാക്കി.
സംസ്ഥാനത്ത് മെഡിക്കല് കോളജുകള്ക്ക് പുറമേ ആരോഗ്യ വകുപ്പിന് കീഴിലുള്ള കുടുംബാരോഗ്യ കേന്ദ്രങ്ങള് മുതല് ജില്ലാ, ജനറല് ആശുപത്രികളില് വരെ പ്രതിമാസം 36,000 മുതല് 39,000 വരെ ഡയാലിസിസുകളാണ് നടത്തുന്നത്. താലൂക്ക്, ജനറല്, ജില്ലാ ആശുപത്രികളിലും ചില സാമൂഹികാരോഗ്യ കേന്ദ്രങ്ങളിലും കുടുംബാരോഗ്യ കേന്ദ്രങ്ങളിലും ഡയാലിസിസ് നടത്തുന്നുണ്ട്. 92 ആശുപത്രികളിലായി 937 ഡയലിസിസ് മെഷീനുകളാണ് സജ്ജമാക്കിയിരിക്കുന്നത്.
ഡയാലിസിസ് നടത്തുന്നവര്ക്ക് കൊവിഡ് ബാധിച്ചാല് പിന്നീട് ഡയാലിസിസ് നിഷേധിക്കുന്ന സര്ക്കാര്, സ്വകാര്യ ആശുപത്രികള്ക്കെതിരേ കര്ശന നടപടി സ്വീകരിക്കുമെന്ന് മന്ത്രി അറിയിച്ചു. ഇതുസംബന്ധിച്ച് പരാതികള് ലഭിച്ചാല് കര്ശന നടപടി സ്വീകരിക്കാന് എല്ലാ ജില്ലാ മെഡിക്കല് ഓഫീസര്മാര്ക്കും നിര്ദേശം നല്കിയിട്ടുണ്ട്. സ്വകാര്യാശുപത്രികളുടെ യോഗത്തില് ഇക്കാര്യം ചൂണ്ടിക്കാട്ടിയിട്ടുണ്ട്. എല്ലാവരും അനുഭാവപൂര്ണമായ സമീപനമാണ് സ്വീകരിച്ചതെന്ന് മന്ത്രി വ്യക്തമാക്കി.
RELATED STORIES
തിരുവനന്തപുരത്ത് ടിപ്പര് ലോറി ശരീരത്തിലൂടെ കയറി സ്കൂട്ടര്...
7 May 2024 3:25 PM GMTഖത്തര് ജയിലിലെ ഇന്ത്യക്കാരുടെ മോചനം; തടവുകാര് കൂട്ടനിരാഹാര...
7 May 2024 2:41 PM GMTവടകരയിലെ വിദ്വേഷ പ്രചാരണം അവസാനിപ്പിക്കണം: റസാഖ് പാലേരി
7 May 2024 2:32 PM GMTനാലാമത് ലോക കേരള സഭ ജൂണ് 13 മതല് തിരുവനന്തപുരത്ത്
7 May 2024 2:26 PM GMTമലപ്പുറം സ്വദേശി ജിദ്ദയില് വാഹനാപകടത്തില് മരണപ്പെട്ടു
7 May 2024 2:18 PM GMTകൊടിഞ്ഞി ഫൈസല് വധക്കേസ്: വാദം കേള്ക്കുന്നത് ജൂണ് 26ലേക്ക് മാറ്റി
7 May 2024 2:05 PM GMT