തൃക്കാക്കര ഉപതിരഞ്ഞെടുപ്പ്:വോട്ടെണ്ണല് 12 റൗണ്ടുകളായി; ഒരു റൗണ്ടില് എണ്ണുന്നത് 21 ബുത്തുകള്
ആദ്യ റൗണ്ടില് ഓക്സിലറി ബൂത്തുകള് ഉള്പ്പെടെ ഒന്നു മുതല് 15 വരെയുള്ള ബൂത്തുകളിലെ വോട്ടുകളാണ് എണ്ണുക. തുടര്ന്ന് മറ്റ് ബൂത്തുകളിലെ വോട്ടുകള് എണ്ണും.ആദ്യ 11 റൗണ്ടുകളില് 21 ബൂത്തുകള് വീതവും അവസാന റൗണ്ടില് 8 ബൂത്തുകളുമാകും എണ്ണുക. ആകെ 239 ബൂത്തുകളാണ് തൃക്കാക്കര നിയോജകമണ്ഡലത്തിലുള്ളത്
കൊച്ചി: തൃക്കാക്കര ഉപതിരഞ്ഞെടുപ്പിന്റെ വോട്ടെണ്ണല് നാളെ രാവിലെ 8ന് എറണാകുളം മഹാരാജാസ് കോളജില് ആരംഭിക്കും. വോട്ടെണ്ണലിനുള്ള എല്ലാ സജ്ജീകരണങ്ങളും പൂര്ത്തിയായതായി ജില്ലാ കലക്ടര് ജാഫര് മാലിക് അറിയിച്ചു.ആദ്യം പോസ്റ്റല് വോട്ടുകളാണ് എണ്ണുക. തുടര്ന്ന് ഇലക്ട്രോണിക് വോട്ടിംഗ് യന്ത്രങ്ങളിലേക്ക് കടക്കും. ആകെ 21 ടേബിളുകളാണ് വോട്ടെണ്ണലിനായി സജ്ജീകരിച്ചിരിക്കുന്നത്. മുഴുവന് വോട്ടുകളും എണ്ണിത്തീരാന് 12 റൗണ്ടുകളാണ് ആവശ്യമായിവരുക. ഒരു റൗണ്ടില് 21 ബൂത്തുകളാണ് എണ്ണുക. ആദ്യ റൗണ്ടില് ഓക്സിലറി ബൂത്തുകള് ഉള്പ്പെടെ ഒന്നു മുതല് 15 വരെയുള്ള ബൂത്തുകളിലെ വോട്ടുകളാണ് എണ്ണുക. തുടര്ന്ന് മറ്റ് ബൂത്തുകളിലെ വോട്ടുകള് ഇങ്ങനെ എണ്ണും. ഇത്തരത്തില് 12 റൗണ്ടുകള് ആയാകും എണ്ണുക.
ആദ്യ 11 റൗണ്ടുകളില് 21 ബൂത്തുകള് വീതവും അവസാന റൗണ്ടില് 8 ബൂത്തുകളുമാകും എണ്ണുക. ആകെ 239 ബൂത്തുകളാണ് തൃക്കാക്കര നിയോജകമണ്ഡലത്തിലുള്ളത്.21 കൗണ്ടിംഗ് ടേബിളുകളാണ് ഉണ്ടാകുക. ഓരോ ടേബിളിലും ഒരു കൗണ്ടിംഗ് സൂപ്പര്വൈസര്, ഒരു കൗണ്ടിംഗ് അസിസ്റ്റന്റ് കൂടാതെ ഒരു മൈക്രോ ഒബ്സര്വര് എന്നിവര് ഉണ്ടാകും. എല്ലാ കൗണ്ടിംഗ് ടേബിളുകളിലും സ്ഥാനാര്ഥികളുടെ ഓരോ കൗണ്ടിംഗ് ഏജന്റുമാരും ഉണ്ടായിരിക്കും.കൗണ്ടിംഗ് ഹാളിലെ മറ്റു ജോലികള്ക്കായി നൂറ് ഉദ്യോഗസ്ഥരെയും നിയോഗിച്ചിട്ടുണ്ട്. കൗണ്ടിംഗ് ഹാളിലേയ്ക്ക് സ്ഥാനാര്ഥികള്ക്കും അവരുടെ ഇലക്ഷന് ഏജന്റിനും കൗണ്ടിംഗ് ഏജന്റുമാര്ക്കും മാത്രമേ പ്രവേശനം അനുവദിക്കൂ. കൗണ്ടിംഗ് ഹാളില് മൊബൈല് ഫോണ് അനുവദിക്കില്ലെന്നും ജില്ലാ കലക്ടര് അറിയിച്ചു.
മഹാരാജാസ് കോളജിന് അവധി
തൃക്കാക്കര തിരഞ്ഞെടുപ്പിന്റെ വോട്ട് എണ്ണല് കേന്ദ്രമായി പ്രവര്ത്തിക്കുന്ന എറണാകുളം മഹാരാജാസ് കോളജിന് നാളെ അവധിയായിരിക്കുമെന്ന് ജില്ലാ കലക്ടര് ജാഫര് മാലിക് അറിയിച്ചു.
RELATED STORIES
ഇഷാ ഫൗണ്ടേഷനെതിരേ പരാതി; ആറുപേരെ കാണാതായെന്ന് പോലിസ്;...
28 March 2024 5:08 AM GMTവി ജോയിയുടെ പോസ്റ്റര് നശിപ്പിച്ച തര്ക്കം; ഡിവൈഎഫ്ഐ പ്രവര്ത്തകനെ...
28 March 2024 4:55 AM GMTകണ്ണൂരില് മൂന്ന് സിപിഎം പ്രവര്ത്തകര്ക്ക് വെട്ടേറ്റു
25 March 2024 5:25 AM GMTആര്എല്വി രാമകൃഷ്ണനെ അധിക്ഷേപിച്ച സംഭവം; 10 ദിവസത്തിനകം റിപ്പോര്ട്ട് ...
24 March 2024 6:30 AM GMTചേറ്റുകുഴിയില് കാറും കെഎസ്ആര്ടിസിയും കൂട്ടിയിടിച്ച് ആറ് വയസുകാരി...
24 March 2024 5:08 AM GMTലോറിയില്നിന്ന് കരിങ്കല്ല് തെറിച്ചുവീണ് സ്കൂട്ടര് യാത്രികന് മരിച്ചു
19 March 2024 8:43 AM GMT