ഓപ്പറേഷന് ഡാര്ക്ക് ഹണ്ട്: മോഷണമുള്പ്പെടെയുള്ള നിരവധി കേസുകളിലെ പ്രതിയെ കാപ്പ ചുമത്തി ജെയിലില് അടച്ചു
ഐക്കരനാട് വടയമ്പാടി കൊണ്ടോലിക്കുടി വീട്ടില് സുരേഷ് (ഡ്രാക്കുള സുരേഷ് 39 ) നെയാണ് ഓപ്പറേഷന് ഡാര്ക്ക് ഹണ്ടിന്റെ ഭാഗമായി ജില്ലാ പോലിസ് മേധാവി കെ കാര്ത്തിക്കിന്റെ റിപ്പോര്ട്ടിന്റെ അടിസ്ഥാനത്തില് ജെയിലില് അടച്ചത്
കൊച്ചി: മോഷണമുള്പ്പടെ നിരവധി കേസുകളിലെ പ്രതിയെ കാപ്പ ചുമത്തി ജയിലിലടച്ചു. ഐക്കരനാട് വടയമ്പാടി കൊണ്ടോലിക്കുടി വീട്ടില് സുരേഷ് (ഡ്രാക്കുള സുരേഷ് 39 ) നെയാണ് ഓപ്പറേഷന് ഡാര്ക്ക് ഹണ്ടിന്റെ ഭാഗമായി ജില്ലാ പോലിസ് മേധാവി കെ കാര്ത്തിക്കിന്റെ റിപ്പോര്ട്ടിന്റെ അടിസ്ഥാനത്തില് ജെയിലില് അടച്ചത്. ഇയാള്ക്കെതിരെ മോഷണം, പോലിസിന്റെ ഔദ്യോഗിക കൃത്യനിര്വ്വഹണം തടയല്, തുടങ്ങി നിരവധി കേസുകള് പെരുമ്പാവൂര്, പുത്തന്കുരിശ്, മൂവാറ്റുപുഴ എന്നീ സ്റ്റേഷനുകളിലായുണ്ടെന്ന് പോലിസ് പറഞ്ഞു.
കടകളും, സ്ഥാപനങ്ങളും നോക്കിവച്ച ശേഷം മോഷണം നടത്തുകയാണ് ഇയാളുടെ രീതി. നേരത്തെ റിമാന്ഡിലായിരിക്കെ കറുകുറ്റിയിലെ എഫ്എല്ടിസിയില് നിന്നും, കളമശേരി മെഡിക്കല് കോളജിലെ പ്രത്യേക വാര്ഡില് നിന്നും ഇയാള് രക്ഷപ്പെട്ടിരുന്നു. തുടര്ന്ന് സാഹസികമായാണ് പോലിസ് സുരേഷിനെ പിടികൂടിയത്. ഓപ്പറേഷന് ഡാര്ക്ക് ഹണ്ടിന്റെ ഭാഗമായി ഇതുവരെ മുപ്പതു പേരെ അറസ്റ്റ് ചെയ്ത് ജയിലിലടയ്ക്കുകയും 29 പേരെ നാടുകടത്തുകയും ചെയ്തതായി പോലിസ് അറിയിച്ചു. കുറ്റവാളികളുടെ പ്രവര്ത്തനങ്ങള് തടയുന്നതിന് റൂറല് ജില്ലയില് ഏര്പ്പെടുത്തിയിട്ടുള്ളതാണ് ഓപ്പറേഷന് ഡാര്ക്ക് ഹണ്ട്.
RELATED STORIES
'400 സ്ത്രീകളെ ബലാല്സംഗം ചെയ്തയാള്ക്ക് വോട്ട് ചെയ്യാനാണ് പറയുന്നത്'; ...
2 May 2024 2:13 PM GMTഡ്രൈവിങ് ടെസ്റ്റ് പരിഷ്കരണത്തിനെതിരായ സമരം; മലപ്പുറം ജില്ലക്കെതിരായ...
2 May 2024 1:20 PM GMT'ബിജെപിക്ക് വോട്ട്'; അധിര് രഞ്ജന് ചൗധരിക്കെതിരേ തൃണമൂലും മമതയും
2 May 2024 11:40 AM GMTപോലിസുകാരനെ വിഷദ്രാവകം കുത്തിവെച്ച് കൊലപ്പെടുത്തി ലഹരി സംഘം
2 May 2024 11:39 AM GMTവടകരയിലെ വർഗീയ ധ്രുവീകരണം കലക്ടർ ഇടപെടണം: എസ്ഡിപിഐ
2 May 2024 11:38 AM GMTനോട്ടയ്ക്ക് വോട്ട് ചെയ്യാന് ആഹ്വാനം ചെയ്ത് കോണ്ഗ്രസ്|thejasnews
2 May 2024 11:27 AM GMT