എംഡിഎംഎ യും, കഞ്ചാവുമായി യുവാവ് പിടിയില്‍

കൊച്ചി: എംഡിഎംഎ യും, കഞ്ചാവുമായി യുവാവ് പിടിയില്‍. അറയ്ക്കപ്പടി വെസ്റ്റ് വെങ്ങോല സ്വദേശി അതുല്‍ (25) ആണ് പെരുമ്പാവൂരില്‍ പിടിയിലായത്. ഇയാളില്‍ നിന്നും 660 മില്ലിഗ്രാം എംഡിഎംഎയും 40 ഗ്രാം കഞ്ചാവും കണ്ടെടുത്തതായി പോലിസ് പറഞ്ഞു.

ജില്ലാ പോലിസ് മേധാവി കെ കാര്‍ത്തിക്കിന് ലഭിച്ച രഹസ്യ വിവരത്തെ തുടര്‍ന്ന് ഡാന്‍സാഫ് ടീമും, പെരുമ്പാവൂര്‍ പോലിസും ഇയാളുടെ വീട്ടില്‍ നടത്തിയ പരിശോധനയിലാണ് മയക്കുമരുന്ന് പിടികൂടിയത്.

ഇന്‍സ്‌പെക്ടര്‍ ആര്‍ രഞ്ജിത്ത്, എസ് ഐ മാരായ റിന്‍സ് എം തോമസ്, ജോസി എം ജോണ്‍സന്‍, ലില്ലി, എഎസ്‌ഐ അനില്‍ പി വര്‍ഗിസ്, സി പി ഒ നാദിര്‍ഷ എന്നിവരാണ് അന്വേഷണ സംഘത്തിലുള്ളത്.