സിനിമാട്ടോഗ്രാഫര് ചമഞ്ഞ് കാമറകള് വാടകയ്ക്കെടുത്തു മറിച്ചു വില്പ്പന; യുവാവ് പോലിസ് പിടിയില്
പുനലൂര്,ചരുവിള പുത്തന് വീട്ടില് ഷൈന് (31) ആണ് എറണാകുളം നോര്ത്ത് പോലിസിന്റെ പിടിയിലായത്.
കൊച്ചി:സിനിമാട്ടോഗ്രാഫര് ചമഞ്ഞു കാമറകള് വാടകയ്ക്ക് കൊടുക്കുന്ന നിരവധി പേരില് നിന്നായി വീഡിയോ കാമറകളും സ്റ്റില് കാമറകളും വാടകയ്ക്ക് എടുത്തശേഷം ഒഎല്എക്സ് വഴിയും ഇടനിലക്കാര് വഴിയും വില്പ്പന നടത്തിവന്നയാള് പോലിസ് പിടിയില്. പുനലൂര്,ചരുവിള പുത്തന് വീട്ടില് ഷൈന് (31) ആണ് എറണാകുളം നോര്ത്ത് പോലിസിന്റെ പിടിയിലായത്.
സിനിമ ചിത്രീകരണത്തിനും മറ്റും കാമറ വാടകയ്ക്ക് കൊടുത്തിരുന്ന പുല്ലേപടി സ്വദേശി ശിവപ്രകാശിന്റെ കാമറയും ലെന്സുകളും കഴിഞ്ഞ ഏപ്രില് മാസം ഷൈന് ഒരു സിനിമ ഷൂട്ടിങ്ങിനായി 3000/ രൂപ ദിവസ വാടകയ്ക്ക് എടുത്തിരുന്നു. പിന്നീട് കുറച്ചു ദിവസങ്ങള് കഴിഞ്ഞിട്ടും വാടകയും കാമറയും തിരിച്ചു കിട്ടാതായതോടെ ഇയാളെ ഫോണില് ബന്ധപ്പെട്ടെങ്കിലും സ്വിച്ച് ഓഫ് ആയിരുന്നു. തുടര്ന്ന് നോര്ത്ത് പോലിസ് സ്റ്റേഷനില് കേസ്സ് രജിസ്റ്റര് ചെയ്തു നടത്തിയ അന്വഷണത്തിനോടുവില് ആണ് ഇയാള് അറസ്റ്റില് ആയത്. ഇയാള് വില്പ്പന നടത്തിയ കാമറ പോലീസ് കണ്ടെടുത്തു. പോലിസ് നടത്തിയ അന്വഷണത്തില് കേരളത്തില് ഉടനീളം ഇയാള് ഇത്തരത്തില് തട്ടിപ്പ് നടത്തിയതായി വിവരം ലഭിച്ചു.
കാര് വില്ക്കാനുണ്ട് എന്ന പരസ്യം നല്ക്കുന്നവരെ സമീപിച്ചു കാര് വാങ്ങി പെന്റിങ് ഉള്ള ലോണ് അടച്ചു തീര്ത്തുകൊള്ളാം എന്ന് പറഞ്ഞു വാഹനയുടമയെ പറഞ്ഞു വിശ്വസിപ്പിച്ചു അഡ്വാന്സ് ആയി ചെറിയ തുക കൊടുക്കുകയും പിന്നീട് ബാക്കി വരുന്ന തുകയ്ക്ക് പകരമായി തട്ടിപ്പ് നടത്തി കൈക്കലാക്കിയ കാമറകളും ലെന്സുകളും കൊടുക്കുകയും ഇയാളുടെ പതിവായിരുന്നുവെന്നും പോലിസ് പറഞ്ഞു.ഷൈന് നടത്തിയ ഇടപാടുകള്ക്കായി സഹോദരന് ഷൈജുവിന്റെയും, ഷൈജു നടത്തിയ ഇടപ്പടുകള്ക്കായി ഷൈനിന്റെയും തിരിച്ചറിയല് കാര്ഡും മൊബൈല് നമ്പറും ആണ് നല്കി വന്നിരുന്നത്. തുടര്ന്ന് പരാതിക്കാര് ഫോണില് ബന്ധപ്പെട്ടാല് ഇതിനെക്കുറിച്ച് അറിയില്ല എന്ന് പറഞ്ഞു തടിയൂരുകയാണ് ഇവര് ചെയ്തിരുന്നത്.
ചില ചിത്രങ്ങളില് ചെറിയ ചെറിയ വേഷങ്ങളില് അഭിനയിച്ചിട്ടുള്ള ഇയാള് താരങ്ങളോടൊപ്പം സിനിമ സെറ്റുകളില് വെച്ചെടുത്ത ഫോട്ടോകള് കാണിച്ചാണ് ഇടപാടുകരെ വിശ്വസിച്ചിരുന്നത് .ഷൈന് പിടിയിലായ വിവരം അറിഞ്ഞു കാമറ വാടകയ്ക്ക് കൊടുത്ത നിരവധി പേര് പരാതിയുമായി വന്നിട്ടുണ്ടെന്നും പോലിസ് പറഞ്ഞു. ഷൈനിനെതിരെ പല പോലീസ് സ്റ്റേഷനികളിലും ഇത്തരത്തില് പരാതിയുണ്ട്. ഇയാള് ഇത്തരത്തില് പാലക്കട്, തൃശൂര്, എറണാകുളം, കോട്ടയം, കൊല്ലം, തിരുവനന്തപുരം എന്നീ ജില്ലകളില് നിന്നായി തട്ടിപ്പ് നടത്തി കൈക്കലാക്കിയ നിരവധി കാമറകള് കേരളത്തിന്റെ വിവിധ ജില്ലകളില് നിന്നാണ് പോലീസ് കണ്ടെടുത്തത്.
കോടതിയില് ഹാജരാക്കിയ പ്രതിയെ കൂടുതല് അന്വഷണങ്ങള്ക്കായി പോലിസ് കസ്റ്റഡിയില് വാങ്ങി. ഷൈനും സഹോദരന് ഷൈജുവും ചേര്ന്നാണ് എല്ലാ തട്ടിപ്പുകളും നടത്തിയതെന്നും പോലിസ് പറഞ്ഞു. ഷൈജു ഇതിനിടെ വിദേശത്തേക്ക് കടന്നു കളഞ്ഞു. ഇയാള്ക്കായി ലുക്ക് ഔട്ട നോട്ടീസ് ഇറക്കുമെന്ന് പോലിസ് പറഞ്ഞു. കൊച്ചി സിറ്റി പോലിസ് കമ്മിഷണര് സി എച്ച് നാഗരാജു, ഡിസിപി ഐശ്വര്യ ഡോഗ്രെ,എറണാകുളം സെന്ട്രല് അസിസ്റ്റന്റ് കമ്മിഷണര് എ ജെ തോമസ്, നാര്കോട്ടിക് സെല് അസിസ്റ്റന്റ് കമ്മിഷണര് കെ എ തോമസ് എന്നിവരുടെ നിര്ദ്ദേശനുസരണം നോര്ത്ത് എസ്എച്ച്ഒ വി എസ് പ്രദീപ്കുമാര് , എസ് ഐ മഹേഷ്, എസ് ഐ ഹരികുമാര്,സിപിഒ മാരായ പി വിനീത് , എ അജിലേഷ് , രാഹുല് കൃഷ്ണ, ലിബിന് രാജ് എന്നിവര് ചേര്ന്നാണ് പ്രതിയെ അറസ്റ്റ് ചെയ്തത്.
RELATED STORIES
പോക്സോ കേസ്: ഡല്ഹിയില്നിന്ന് പിടിയിലായ മലയാളി രക്ഷപ്പെട്ടു
19 May 2024 12:46 PM GMTബോചെ ടി ലോട്ടറിയല്ല; സര്ക്കാര് വാദം പൊള്ളയെന്ന് ബോബി ചെമ്മണൂര്
19 May 2024 10:33 AM GMTകാഫിര് സ്ക്രീന് ഷോട്ട്; പിന്നില് സിപിഎം ജില്ലാ സെക്രട്ടറി പി...
19 May 2024 9:36 AM GMTകാസര്കോട് കാറും സ്കൂട്ടറും കൂട്ടിയിടിച്ചു; ഭാര്യയും ഭര്ത്താവും...
19 May 2024 5:18 AM GMTപൂക്കോട് വെറ്ററിനറി കോളേജിലെ സിദ്ധാര്ത്ഥന്റെ മരണം; സസ്പെന്ഷന്...
19 May 2024 5:06 AM GMTവിമാനത്തില് തീ; ബെംഗളൂരു-കൊച്ചി എയര് ഇന്ത്യ എക്സ്പ്രസ് അടിയന്തരമായി...
19 May 2024 4:55 AM GMT