പോലിസുദ്യോഗസ്ഥര്‍ക്ക് നേരെ ആക്രമണം: രണ്ട് പേര്‍ അറസ്റ്റില്‍

കൊച്ചി: പെരുമ്പാവൂരില്‍ പോലിസുദ്യോഗസ്ഥരെ ആക്രമിക്കുകയും, ഔദ്യോഗിക കൃത്യനിര്‍വഹണം തടസപ്പെടുത്തുകയും ചെയ്ത കേസില്‍ രണ്ടു പോര്‍ അറസ്റ്റില്‍.കടുവാള്‍ സ്വദേശികളായ അക്ഷയ് (26), അനില്‍കുമാര്‍ (47) എന്നിവരെയാണ് അറസ്റ്റ് ചെയ്തത്. ഈ മാസം ആറിന് രാത്രി പത്ത് മണിയോടെ ഭജനമഠം റോഡിലാണ് സംഭവം.

സംഘം ചേര്‍ന്ന് മാര്‍ഗ്ഗതടസമുണ്ടാക്കി പരസ്പരം സംഘര്‍ഷം സൃഷ്ടിച്ച ഇവരോട് പിരിഞ്ഞ് പോകാന്‍ പറഞ്ഞ പോലിസിനു നേര്‍ക്കാണ് അക്രമം അഴിച്ചുവിട്ടത്. അസഭ്യം പറഞ്ഞ് പോലീസിന് നേരെ തിരിഞ്ഞ പ്രതികളുടെ ആക്രമണത്തില്‍ സബ് ഇന്‍സ്‌പെക്ടര്‍ ഉള്‍പ്പെടെയുളള ഉദ്യോഗസ്ഥര്‍ക്ക് പരിക്ക് പറ്റി.

തുടര്‍ന്ന് സാഹസികമായി പ്രതികളെ അറസ്റ്റ് ചെയ്യുകയായിരുന്നു. സബ് ഇന്‍സ്‌പെക്ടര്‍ റിന്‍സ് എം തോമസ്, എഎസ്‌ഐ അനില്‍ പി വര്‍ഗീസ്, എസ്‌സിപി ഒമാരായ അഷറഫ്, നാദിര്‍ഷ എന്നിവര്‍ ചേര്‍ന്നാണ് പ്രതികളെ പിടികൂടിയത്. കോടതിയില്‍ ഹാജരാക്കിയ പ്രതികളെ റിമാന്റ് ചെയ്തു.