മലപ്പുറം ജില്ലയില് 17 പേര്ക്ക് കൂടി കൊവിഡ്; സമ്പര്ക്കത്തിലൂടെ ആര്ക്കും രോഗബാധയില്ലെന്ന് കലക്ടര്
ഇന്ന് രോഗബാധ സ്ഥിരീകരിച്ചവരെല്ലാം ജില്ലയിലെ കൊവിഡ് പ്രത്യേക ചികില്സാകേന്ദ്രമായ മഞ്ചേരി ഗവ. മെഡിക്കല് കോളജ് ആശുപത്രിയില് ചികില്സയിലാണ്.
മലപ്പുറം: ജില്ലയില് 17 പേര്ക്ക് കൂടി ഇന്ന് കൊവിഡ് 19 സ്ഥിരീകരിച്ചു. ഇവരില് ആറുപേര് അന്തര്സംസ്ഥാനങ്ങളില്നിന്നെത്തിയവരും 11 പേര് വിവിധ വിദേശരാജ്യങ്ങളില്നിന്നെത്തിയവരുമാണ്. ജില്ലയില് പുതുതായി ആര്ക്കും സമ്പര്ക്കത്തിലൂടെ രോഗബാധയുണ്ടായിട്ടില്ലെന്ന് ജില്ലാ കലക്ടര് കെ ഗോപാലകൃഷ്ണന് അറിയിച്ചു. ഇന്ന് രോഗബാധ സ്ഥിരീകരിച്ചവരെല്ലാം ജില്ലയിലെ കൊവിഡ് പ്രത്യേക ചികില്സാകേന്ദ്രമായ മഞ്ചേരി ഗവ. മെഡിക്കല് കോളജ് ആശുപത്രിയില് ചികില്സയിലാണ്.
ജൂണ് 12ന് മുംബൈയില്നിന്ന് പ്രത്യേക വിമാനത്തില് കരിപ്പൂര്വഴി തിരിച്ചെത്തിയ മഹാരാഷ്ട്ര പച്ചോറ സ്വദേശി 30 വയസ്സുകാരന്, മുംബൈയില്നിന്ന് ജൂണ് 12ന് സ്വകാര്യവാഹനത്തില് തിരിച്ചെത്തിയ താനൂര് മുക്കോല സ്വദേശികളായ 30 വയസുകാരി, ഇവരുടെ 10 മാസം പ്രായമായ മകള്, ആന്ധ്രപ്രദേശില്നിന്ന് ജൂണ് നാലിന് തിരിച്ചെത്തിയ ലോറി ഡ്രൈവര് താനൂര് ചീരാന്കടപ്പുറം സ്വദേശി 30 വയസുകാരന്, ജൂണ് 15ന് ഉത്തര്പ്രദേശില്നിന്ന് തിരിച്ചെത്തിയ കുറ്റിപ്പുറം നടുവട്ടം സ്വദേശി 35 വയസ്സുകാരന്, ജൂണ് 12ന് ഡല്ഹിയില് നിന്ന് കൊച്ചി വഴി തിരിച്ചെത്തിയ ചോക്കാട് പുല്ലങ്കോട് സ്വദേശി 56 വയസുകാരന് എന്നിവരാണ് ഇന്നലെ രോഗബാധ സ്ഥിരീകരിച്ചവരില് ഇതര സംസ്ഥാനങ്ങളില്നിന്ന് എത്തിയവര്.
ജൂണ് മൂന്നിന് ജിദ്ദയില് നിന്ന് കരിപ്പൂര് വഴി തിരിച്ചെത്തിയ കുഴിമണ്ണ മേല്മുറി സ്വദേശി മൂന്ന് വയസുകാരന്, ദുബയില്നിന്ന് ജൂണ് 14ന് കരിപ്പൂര് വഴി തിരിച്ചെത്തിയ നിറമരുതൂര് സ്വദേശി 32 വയസുകാരന്, ജൂണ് 18ന് ദമാമില്നിന്ന് കരിപ്പൂര് വഴി തിരിച്ചെത്തിയ ഒതുക്കുങ്ങല് ചെറുകുന്ന് സ്വദേശി 33 വയസുകാരന്, ജൂണ് 12ന് ഖത്തറില് നിന്ന് കൊച്ചി വഴി തിരിച്ചെത്തിയ പൊന്നാനി തൃക്കാവ് സ്വദേശിനി 34 വയസുകാരി, ഇവരുടെ മക്കളായ രണ്ടും ഒമ്പതും വയസുള്ള കുട്ടികള്, ജൂണ് 11ന് റിയാദില്നിന്ന് കണ്ണൂര് വിമാനത്താവളം വഴി തിരിച്ചെത്തിയ അങ്ങാടിപ്പുറം അരിപ്ര സ്വദേശി 30 വയസുകാരന്, ജൂണ് 17ന് ദുബയില്നിന്ന് കരിപ്പൂര് വഴി തിരിച്ചെത്തിയ മൊറയൂര് മോങ്ങം സ്വദേശിനി 21 വയസുകാരി, കുവൈത്തില് നിന്ന് ജൂണ് 17ന് കരിപ്പൂര് വഴി ഒരേ വിമാനത്തില് തിരിച്ചെത്തിയ മാറാക്കര രണ്ടത്താണി സ്വദേശി 39 വയസുകാരന്, വളാഞ്ചേരി മുക്കിലപ്പീടിക സ്വദേശി 45 വയസുകാരന്, കീഴുപറമ്പ് കുനിയില് സ്വദേശി 45 വയസുകാരന് എന്നിവരുമാണ് രോഗബാധ സ്ഥിരീകരിച്ച മറ്റുള്ളവര്.
രോഗം സ്ഥിരീകരിച്ചവരുമായി ഏതെങ്കിലും വിധത്തില് സമ്പര്ക്കമുണ്ടായിട്ടുള്ളവര് വീടുകളില് പ്രത്യേക മുറികളില് നിരീക്ഷണത്തില് കഴിയണമെന്ന് ജില്ലാ കലക്ടര് അറിയിച്ചു. ഈ വിവരം ആരോഗ്യപ്രവര്ത്തകരെ അറിയിക്കണം. വീടുകളില് നിരീക്ഷണത്തിന് സൗകര്യമില്ലാത്തവര്ക്ക് സര്ക്കാര് ഒരുക്കിയ കൊവിഡ് കെയര് സെന്ററുകള് ഉപയോഗപ്പെടുത്താം. ആരോഗ്യപ്രശ്നങ്ങളുണ്ടായാല് ഒരുകാരണവശാലും നേരിട്ട് ആശുപത്രികളില് പോവരുത്. ജില്ലാതല കണ്ട്രോള് സെല്ലില് വിളിച്ച് ലഭിക്കുന്ന നിര്ദേശങ്ങള് പൂര്ണമായും പാലിക്കണം. ജില്ലാതല കണ്ട്രോള് സെല് നമ്പറുകള്: 0483- 2737858, 2737857, 2733251, 2733252, 2733253.
മഹാരാഷ്ട്രയില് ബഹുനില കെട്ടിടം തകര്ന്ന് എട്ടുമരണം; 25 പേരെ...
21 Sep 2020 2:40 AM GMTമലയാറ്റൂരില് പാറമടയില് പൊട്ടിത്തെറി; രണ്ട് അന്തര്സംസ്ഥാന...
21 Sep 2020 2:18 AM GMTകോഴിക്കോട് നാദാപുരത്ത് പുഴയില് കുളിക്കാനിറങ്ങിയ യുവാവ്...
21 Sep 2020 2:00 AM GMTസംസ്ഥാനത്തെ റേഷന്കടകള്ക്ക് ഇന്ന് അവധി
21 Sep 2020 1:36 AM GMTസംസ്ഥാനത്ത് ഇന്നും അതിതീവ്ര മഴ; പത്ത് ജില്ലകളില് ഓറഞ്ച് അലര്ട്ട്,...
21 Sep 2020 1:24 AM GMTരണ്ട് പുതിയ കണ്ടെയ്ന്മെന്റ് സോണുകള്; കോട്ടയം ജില്ലയില് ആകെ 32...
21 Sep 2020 12:50 AM GMT
