കൊവിഡ് പ്രതിരോധം: മെല്‍ബണ്‍-കൊച്ചി വിമാനത്തിലെത്തിയ ആലപ്പുഴ സ്വദേശിയെ കളമശേരി മെഡിക്കല്‍ കോളജില്‍ പ്രവേശിപ്പിച്ചു

കൊച്ചി: മെല്‍ബണ്‍-കൊച്ചി വിമാനത്തില്‍ നെടുമ്പാശേരി വിമാനത്താവളത്തിലെത്തിയ ആലപ്പുഴ സ്വദേശിയെ കളമശേരി മെഡിക്കല്‍ കോളജില്‍ പ്രവേശിപ്പിച്ചു.മെല്‍ബണ്‍- കൊച്ചി വിമാനത്തില്‍ 221 യാത്രക്കാരാണുണ്ടായിരുന്നത്. ഇതില്‍ 112 പേര്‍ പുരുഷന്‍മാരും 109 പേര്‍ സ്ത്രീകളുമാണ്. പത്ത് വയസില്‍ താഴെയുള്ള 5 കുട്ടികളും 10 ഗര്‍ഭിണികളും 18 മുതിര്‍ന്ന പൗരന്മാരും ഇതില്‍ ഉള്‍പ്പെടുന്നു.യാത്രക്കാരില്‍ 136 പേരെ വിവിധ ജില്ലകളിലെ കൊവിഡ് കെയര്‍ സെന്ററുകളിലും 84 പേരെ വീടുകളിലും നിരീക്ഷണത്തിലാക്കി.

ആലപ്പുഴ -9,എറണാകുളം-42,ഇടുക്കി -7,കണ്ണൂര്‍ -11,കൊല്ലം-15,കോട്ടയം-28, കോഴിക്കോട്- 14,മലപ്പുറം -12,പാലക്കാട് -9,പത്തനംത്തിട്ട-9,തിരുവനന്തപുരം-28,വയനാട്-9,തൃശ്ശൂര്‍-20.മറ്റ് സംസ്ഥാനങ്ങള്‍-8 എന്നിങ്ങനെയാണ് എത്തിയ യാത്രക്കാരുടെ കണക്ക്.എറണാകുളം ജില്ലയില്‍ നിന്നുള്ള 42 പേരില്‍ 22 പേര്‍ പുരുഷന്‍മാരും 20 പേര്‍ സ്ത്രീകളുമാണ്. ഒരു ഗര്‍ഭിണിയും 3 മുതിര്‍ന്ന പൗരന്‍മാരും ഇതില്‍ ഉള്‍പ്പെടുന്നു.വിവിധ കോവിഡ് കെയര്‍ സെന്ററുകളില്‍ 18 പേരെയും 24 പേരെ വീടുകളിലും നിരീക്ഷണത്തിലാക്കി.