കൊവിഡ്: കളമശേരി മെഡിക്കല്‍ കോളജില്‍ ചികില്‍സയില്‍ കഴിയുന്ന മൂന്നു പേരുടെ നില ഗുരുതരം

കൊച്ചി: കൊവിഡ് ബാധിച്ച് എറണാകുളം കളമശേരി മെഡിക്കല്‍ കോളജിലെ തീവ്രപരിചരണ വിഭാഗത്തില്‍ ചികില്‍സയില്‍ കഴിയുന്ന മൂന്നു പേരുടെ നില ഗുരുതരമെന്ന് ആശുപത്രി അധികൃതര്‍. 66 വയസുള്ള എറണാകുളം തോപ്പുംപടി സ്വദേശി കോവിഡ് ന്യൂമോണിയ ബാധിച്ചു ഐസിയുവില്‍ ചികില്‍സയില്‍ ആണ് ,ഇദ്ദേഹം ദീര്‍ഘനാളായി പ്രമേഹരോഗത്തിനും വൃക്ക സംബന്ധമായ രോഗത്തിനും ചികില്‍സയിലാണ് ,കൃതിമ ശ്വസനസഹായില്‍ ആണ് മുന്നോട്ടു പോകുന്നത്. നില ഗുരുതരമായി തുടരുന്നു.

48 വയസുള്ള ആലപ്പുഴ സ്വദേശി കൊവിഡ് ന്യൂമോണിയ ബാധിച്ചു ഐസിയുവില്‍ ആണ് , കുവൈറ്റില്‍ നിന്ന് വന്ന ഇദ്ദേഹത്തെ ഈ മാസം 24 നാണ് ആശുപത്രിയില്‍ പ്രവേശിപ്പിച്ചത്, ഇദ്ദേഹത്തിന്റെ നില ഇപ്പോള്‍ കൃതിമ ശ്വസന സഹായിയില്‍ ഗുരുതരമായി തുടരുന്നു.കുവൈറ്റില്‍ നിന്നും വന്ന 51 വയസുള്ള എറണാകുളം തുരുത്തി സ്വദേശി കോവിഡ് ന്യൂമോണിയ ബാധിച്ചു ഐസിയുവില്‍ ആണ് , ദീര്‍ഘനാളായി പ്രമേഹരോഗിയായ ഇദ്ദേഹം ഈ മാസം 19 നു ആണ് കുവൈറ്റില്‍ നിന്നും എത്തിയത് കൃതിമ ശ്വസനസഹായില്‍ ആണ് മുന്നോട്ടു പോകുന്നത്. ഇദ്ദേഹത്തിന്റെയും നില ഗുരുതരമായി തുടരുന്നതായി ആശുപത്രി അധികൃതര്‍ അറിയിച്ചു.