കൊവിഡ്: എറണാകുളത്ത് കൂടുതല്‍ കണ്ടെയ്ന്‍മെന്റ് സോണുകള്‍

കൊച്ചി:എറണാകുളം ജില്ലയില്‍ ഇന്ന് 70 പേര്‍ക്ക് കൊവിഡ് സ്ഥിരീച്ചതോടെ കുടുതല്‍ മേഖലകള്‍ കണ്ടെയ്‌മെന്റ് സോണുകളാക്കി.വടക്കേക്കര പഞ്ചായത്തിലെ വാര്‍ഡ് 16, കരുമാല്ലൂര്‍ പഞ്ചായത്തിലെ 7, 10, 11 വാര്‍ഡുകള്‍, കവളങ്ങാട് പഞ്ചായത്തിലെ വാര്‍ഡ് 8,കൊച്ചി കോര്‍പ്പറേഷന്‍ 22, 69 ഡിവിഷനുകള്‍, 38-ാം ഡിവിഷനിലെ പ്രസ് ക്ലബ് റോഡ്, മാര്‍ക്കറ്റ് റോഡ്, 40-ാം ഡിവിഷനിലെ നേതാജി റോഡ് സുരഭി റോഡ് എന്നിവയാണ് ഇന്ന് കണ്ടെയ്ന്‍മെന്റ് സോണാക്കിയത്.പൈങ്ങോട്ടൂര്‍ പഞ്ചായത്തിലെ വാര്‍ഡ് 5, കൊച്ചി കോര്‍പ്പറേഷനിലെ 58-ാം ഡിവിഷന്‍ എന്നീ പ്രദേശങ്ങളെ കണ്ടെയ്ന്‍മെന്റ് സോണില്‍ നിന്നും ഒഴിവാക്കിയതായി അധികൃതര്‍ അറിയിച്ചു.