ആലപ്പുഴ ജില്ലയില്‍ ഇന്ന് 1645 പേര്‍ക്ക് കൊവിഡ് ; ടിപിആര്‍ 15.94%

ആലപ്പുഴ: ആലപ്പുഴ ജില്ലയില്‍ ഇന്ന് 1645 പേര്‍ക്ക് കൊവിഡ് സ്ഥിരീകരിച്ചു. 15.94 ശതമാനമാണ് ടെസ്റ്റ് പോസിറ്റിവിറ്റി നിരക്ക്. ജില്ലയില്‍ ഇന്ന് 1623 പേര്‍ക്ക് സമ്പര്‍ക്കത്തിലൂടെയാണ് രോഗം ബാധിച്ചത്. 20 പേരുടെ സമ്പര്‍ക്ക ഉറവിടം വ്യക്തമല്ല. ആരോഗ്യ പ്രവര്‍ത്തകരില്‍ രണ്ട് പേര്‍ക്ക് കൂടി ഇന്ന് സമ്പര്‍ക്കത്തിലുടെ രോഗം സ്ഥിരീകരിച്ചിട്ടുണ്ട്. ജില്ലയില്‍ ഇന്ന് 2035 പേര്‍ രോഗമുക്തരായി. ആകെ ഇതുവരെ 265915 പേര്‍ രോഗമുക്തരായി.

13860 പേര്‍ ചികില്‍സയിലുണ്ട്. 254 പേര്‍ കൊവിഡ് ആശുപത്രികളിലും 2366 പേര്‍ സിഎഫ്എല്‍റ്റിസികളിലും ചികില്‍സയിലുണ്ട്. 9597 പേര്‍ വീടുകളില്‍ ഐസൊലേഷനിലുണ്ട്. 270 പേരെ ആശുപത്രി നിരീക്ഷണത്തില്‍ പ്രവേശിപ്പിച്ചു. 2624 പേര്‍ നിരീക്ഷണത്തില്‍ നിന്ന് ഒഴിവാക്കപ്പെട്ടു. 2493 പേര്‍ നിരീക്ഷണത്തിന് നിര്‍ദേശിക്കപ്പെട്ടു. ജില്ലയില്‍ ആകെ 28036 പേര്‍ നിരീക്ഷണത്തില്‍ കഴിയുന്നു. 10315 സാമ്പിളുകളാണ് ഇന്ന് പരിശോധനയ്ക്ക് അയച്ചത്.