അഞ്ചു വയസ്സുകാരിക്കു പീഡനം; പോക്സോ പ്രകാരം കേസെടുത്തു
പൊന്നാനി: മതപഠന കേന്ദ്രത്തില് അഞ്ചു വയസ്സുകാരി പീഡിപ്പിക്കപ്പെട്ടെന്ന പരാതിയില് പോക്സോ വകുപ്പ് ചുമത്തി പൊന്നാനി പോലിസ് കേസെടുത്തു. കാസര്കോട് താമസിച്ചിരുന്ന കൊല്ലം സ്വദേശികളായ കുടുംബത്തിലെ അഞ്ചു വയസ്സുകാരിക്കു നേരെയാണ് അതിക്രമമുണ്ടായത്. 15 ദിവസം മുമ്പ് പൊന്നാനി മഊനത്തില് ഇസ്ലാം സഭയില് മതപഠനത്തിനെത്തിയതായിരിന്നു മാതാപിതാക്കളും കുട്ടിയുമടങ്ങുന്ന കുടുംബം. പിതാവിന് ഇടുപ്പെല്ലിന് അസുഖമുണ്ട്. സ്ഥാപനത്തില് സ്ത്രീകള്ക്കും പുരുഷന്മാര്ക്കും വെവ്വേറേ മുറികളാണുള്ളത്. ചില ദിവസങ്ങളില് ഒഴിവുസമയം പെണ്കുട്ടി പിതാവിനൊപ്പം വരാന്തയില് ചെലവഴിക്കാറുണ്ട്. ചൊവ്വാഴ്ച വൈകീട്ട് പിതാവിനെ കാണാനെത്തിയപ്പോള് അല്പസമയം പെണ്കുട്ടിയെ കാണാതായി. തുടര്ന്നു കണ്ടെത്തിയപ്പോള് അസ്വാഭാവികതയൊന്നും തോന്നിയിരുന്നില്ല. എന്നാല് സ്ഥാപനത്തിലെ അധ്യാപികമാരോട് രഹസ്യഭാഗത്ത് വേദനിക്കുന്നതായി പെണ്കുട്ടി പറഞ്ഞതിനെ തുടര്ന്ന് സ്ഥാപനം അധികൃതര് തന്നെയാണ് ചൈല്ഡ് ലൈനില് വിവരമറിയിച്ചത്. തുടര്ന്ന് ചൈല്ഡ് ലൈന് അധികൃതര് മെഡിക്കല് പരിശോധനയ്ക്കു വിധേയമാക്കിയപ്പോള് രഹസ്യഭാഗത്ത് നഖക്ഷതമേറ്റതിന്റെ പാടുകള് കണ്ടെത്തി. തുടര്ന്ന് പോലിസിനെ അറിയിക്കുകയും പോക്സോ വകുപ്പ് പ്രകാരം കേസെടുത്ത് അന്വേഷണം തുടങ്ങുകയും ചെയ്തു. സംഭവത്തില് അന്തേവാസികള്ക്കോ മറ്റോ പങ്കുണ്ടെങ്കില് സംരക്ഷിക്കില്ലെന്നും കുറ്റവാളികളെ പിടികൂടാന് പോലിസിന് ആവശ്യമായ സഹായങ്ങള് ചെയ്യുമെന്നും പൊന്നാനി മഊനത്തുല് ഇസ്്ലാം സഭ സെക്രട്ടറി ഹംസ മൗലവി തേജസിനോട് പറഞ്ഞു. സ്ഥാപന അധികൃതരുടെ പരാതിയിലാണ് ചൈല്ഡ് ലൈനും പോലിസും നടപടിയെടുത്തതെന്നും അദ്ദേഹം പറഞ്ഞു.
RELATED STORIES
സിഎഎ യോഗ്യതാ സർട്ടിഫിക്കറ്റ് മതപുരോഹിതർക്ക് നൽകാനാകുമെന്ന് കേന്ദ്ര...
28 March 2024 7:02 AM GMTസിദ്ധാർഥന്റെ മരണം: ജുഡീഷ്യൽ അന്വേഷണത്തിനുള്ള ഗവർണറുടെ തീരുമാനം...
28 March 2024 6:35 AM GMTപയ്യോളിയില് രണ്ട് പെണ്മക്കള് വീടിനുള്ളിലും പിതാവ് ട്രെയിനിടിച്ചും...
28 March 2024 6:35 AM GMTനെല്ലിയാമ്പതിയിൽ ജനവാസ മേഖലയില് പുലി ഇറങ്ങി
28 March 2024 6:34 AM GMTവീണ്ടും കാട്ടാന ആക്രമണം; തേനെടുക്കാന് പോയ സ്ത്രീയെ ചവിട്ടിക്കൊന്നു
28 March 2024 6:28 AM GMTതൊഴിലുറപ്പ് പദ്ധതിയുടെ വേതനം കൂട്ടി കേന്ദ്രം: ഏറ്റവും കൂടുതൽ...
28 March 2024 5:25 AM GMT