ചാവക്കാട് സിപിഎം പ്രവര്ത്തകര് ചേരിതിരിഞ്ഞ് ഏറ്റുമുട്ടി; മൂന്നുപേര്ക്ക് പരിക്ക്, അഞ്ചുപേര്ക്കെതിരേ കേസ്
തൊട്ടാപ്പ് സ്വദേശികളും സിപിഎമ്മിന്റെ സജീവപ്രവര്ത്തകരുമായ ആര് വി ഫൈസല് (33), പി കെ റിന്ഷാദ് (27), പി കെ റിയാസ് (33) എന്നിവര്ക്കാണ് പരിക്കേറ്റത്.
തൃശൂര്: ചാവക്കാട് കടപ്പുറം തൊട്ടാപ്പില് സിപിഎം പ്രവര്ത്തകര് ചേരിതിരിഞ്ഞ് ഏറ്റുമുട്ടി. മൂന്നുപേര്ക്ക് പരിക്കേറ്റു. 15ാം വാര്ഡില് സുനാമി കോളനി റോഡിലായിരുന്നു സംഭവം. തൊട്ടാപ്പ് സ്വദേശികളും സിപിഎമ്മിന്റെ സജീവപ്രവര്ത്തകരുമായ ആര് വി ഫൈസല് (33), പി കെ റിന്ഷാദ് (27), പി കെ റിയാസ് (33) എന്നിവര്ക്കാണ് പരിക്കേറ്റത്.
മൂന്നുപേരെയും ആശുപത്രിയില് പ്രവേശിപ്പിച്ചു. ഫൈസലിന്റെ കൈക്കേറ്റ പരിക്ക് ഗുരുതരമാണ്. സംഘര്ഷവുമായി ബന്ധപ്പെട്ട് അഞ്ചുപേര്ക്കെതിരേ പോലിസ് വധശ്രമത്തിന് കേസെടുത്തു. നേരത്തെ നടന്ന സംഭവത്തിന്റെ തുടര്ച്ചയാണ് സംഘട്ടനമെന്നാണ് പോലിസ് പറയുന്നു. അതേസമയം, സംഘട്ടനത്തിന് പാര്ട്ടിയുമായി ബന്ധമില്ലെന്ന് സിപിഎം പ്രാദേശിക നേതൃത്വം അറിയിച്ചു.
വ്യക്തിവൈരാഗ്യത്തിന്റെ പേരിലുള്ള ഏറ്റുമുട്ടലാണ് നടന്നതെന്ന് സിപിഎം. കടപ്പുറം ലോക്കല് സെക്രട്ടറി കെ വി അഷ്റഫ് പ്രതികരിച്ചു. പാര്ട്ടി അനുഭാവികള് തമ്മില് നേരത്തെയുണ്ടായിരുന്ന വ്യക്തിവിരോധത്തിന്റെ തുടര്ച്ചയാണ് സംഘട്ടനമെന്നും പാര്ട്ടി വിശദീകരിക്കുന്നു.
RELATED STORIES
ടി.ജി നന്ദകുമാറില് നിന്ന് 10 ലക്ഷം വാങ്ങിയെന്ന് സമ്മതിച്ച് ശോഭാ...
23 April 2024 2:14 PM GMTകുഞ്ഞാലിക്കുട്ടിയെ ശോഭാ സുരേന്ദ്രന് കണ്ടു; കെ മുരളീധരനെയും സമീപിച്ചു; ...
23 April 2024 1:54 PM GMTകളമശേരി സ്ഫോടനം: കോടതിയിൽ കുറ്റപത്രം സമർപ്പിച്ചു
23 April 2024 12:04 PM GMTകെജ് രിവാളിനും കെ കവിതക്കും ജയിൽ മോചനമില്ല; ജുഡീഷ്യൽ കസ്റ്റഡി...
23 April 2024 11:46 AM GMTതിരഞ്ഞെടുപ്പ് പ്രചാരണത്തിന് ആരെയും ചുമതലപ്പെടുത്തിയിട്ടില്ല;...
23 April 2024 11:44 AM GMTസൂറത്തിലെ കോണ്ഗ്രസ് സ്ഥാനാര്ഥിയെ കാണാനില്ല; ബിജെപിയില്...
23 April 2024 11:34 AM GMT