വൈക്കത്ത് ഓടിക്കൊണ്ടിരുന്ന കാറിന് തീപ്പിടിച്ചു; യാത്രക്കാര്‍ അത്ഭുതകരമായി രക്ഷപ്പെട്ടു

കോട്ടയം: വൈക്കത്ത് ഓടിക്കൊണ്ടിരുന്ന കാറിന് തീപ്പിടിച്ചു. കാറിലുണ്ടായിരുന്ന അമ്പലപ്പുഴ കരൂര്‍ സ്വദേശി ഗിരിയും ബന്ധുവും നിസാരപരിക്കുകളോടെ അത്ഭുതകരമായി രക്ഷപെട്ടു. കാറില്‍നിന്നും പുകയുയരുന്നത് കണ്ട് ഇവര്‍ വാഹനം നിര്‍ത്തി ഇറങ്ങിയോടുകയായിരുന്നു. വൈകീട്ടോടെയായിരുന്നു അപകടം.

വൈക്കം- ഉദയനാപുരം റോഡിലൂടെ പോയ കാറാണ് അഗ്‌നിക്കിരയായത്. ഗ്യാസ് ചോര്‍ച്ചയാണ് തീപ്പിടിത്തത്തിന് കാരണമെന്നാണ് കരുതപ്പെടുന്നത്. അപകടത്തില്‍ കാര്‍ പൂര്‍ണമായും കത്തിനശിച്ചു. വൈക്കം ഫയര്‍ഫോഴ്‌സും പോലിസും ചേര്‍ന്നാണ് തീയണച്ചത്.