അലിഗഡ് യുനിവേഴ്സിറ്റി:സെക്ഷന്‍ ഓഫിസര്‍,അസിസ്റ്റന്റ് തസതികകളിലെ നിയമനങ്ങള്‍ ചോദ്യം ചെയ്ത് ഹൈക്കോടതിയില്‍ ഹരജി

കൊച്ചി : അലിഗഡ് യുനിവേഴ്സിറ്റി മലപ്പുറം കേന്ദ്രത്തില്‍ സെക്ഷന്‍ ഓഫിസര്‍,അസിസ്റ്റന്റ് തസതികകളില്‍ നടത്തിയ നിയമനങ്ങള്‍ ചോദ്യം ചെയ്ത് ഹൈക്കോടതിയില്‍ ഹരജി.ഈ തസ്തികില്‍ അപേക്ഷകയായിരുന്ന എറണാകുളം ചേരാനല്ലൂര്‍ സ്വദേശിനി സാനിതയാണ് ഹൈക്കോടതിയെ സമീപിച്ചത്.ഇപ്പോള്‍ നിയമനം നടത്തിയ രണ്ട് പേര്‍ക്ക് വിജ്ഞാനപന പ്രകാരം യോഗ്യത ഇല്ലാത്തവരാണെന്നും ഇവരുടെ യോഗ്യത സംബന്ധിച്ച സര്‍ട്ടിഫിക്കറ്റുകള്‍ വിവരാവകാശ നിയമപ്രകാരം ലഭ്യമായ രേഖകളില്‍ നിന്ന് വ്യക്തമായി എന്ന് ഹരജിക്കാരി ഹരജിയില്‍ ചൂണ്ടിക്കാട്ടി. നിയമന നടപടികള്‍ ആരംഭിക്കുന്നതിന് മുമ്പേ യൂനിവേഴ്സിറ്റി വൈസ് ചാന്‍സലര്‍ക്ക് പരാതി കൊടുത്തിട്ടും നടപടിയൊന്നും ഉണ്ടായില്ലെന്നും ഹരജിയില്‍ ബോധിപ്പിച്ചു.ഹരജി ഫയലില്‍ സ്വീകരിച്ച കോടതി എതിര്‍കക്ഷികള്‍ക്ക് നോട്ടീസ് പുറപ്പെടുവിച്ചു.