സ്‌കൂള്‍ ബസ്സും ബൈക്കും കൂട്ടിയിടിച്ച് അപകടം; നിരവധി കുട്ടികള്‍ക്ക് പരിക്ക്

കണ്ണൂര്‍: ചക്കരയ്ക്കല്‍ മൗവഞ്ചേരിയില്‍ സ്‌കൂള്‍ ബസ്സും ബൈക്കും കൂട്ടിയിടിച്ച് നിരവധി കുട്ടികള്‍ക്ക് പരിക്കേറ്റു. ഇന്ന് രാവിലെ 9.30 ഓടെയായിരുന്നു അപകടം. മലബാര്‍ ഇംഗ്ലീഷ് മീഡിയം സ്‌കൂളിന്റെ ബസ്സാണ് അപകടത്തില്‍പെട്ടത്.

പരിക്കേറ്റവരെ കണ്ണൂരിലെ വിവിധ ആശുപത്രികളിലായി പ്രവേശിപ്പിച്ചിരിക്കുകയാണ്. ആരുടെയും പരിക്ക് ഗുരുതരമല്ലെന്നാണ് വിവരം. ബൈക്ക് യാത്രക്കാരിയായ യുവതി നിസാരപരിക്കുകളോടെ രക്ഷപ്പെട്ടു.