കോഴിക്കോട്-മൈസൂര്‍ ദേശീയ പാതയില്‍ വാഹനാപകടം: ആംബുലന്‍സ് ഡ്രൈവര്‍ മരിച്ചു

ബത്തേരി: കോഴിക്കോട്-മൈസൂര്‍ ദേശീയ പാതയില്‍ വാഹനാപകടത്തില്‍ ആംബുലന്‍സ് െ്രെഡവര്‍ മരിച്ചു. ബത്തേരിക്കടുത്ത് കൊളഗപ്പാറയിലാണ് ആംബുലന്‍സും ലോറിയും കൂട്ടിയിടിച്ച് വാകേരി സ്വദേശി ഷമീര്‍(38)മരിച്ചത്.

കോഴിക്കോട് മെഡിക്കല്‍ കോളജില്‍ രോഗിയെ എത്തിച്ച ശേഷം തിരിച്ച് വരുമ്പോള്‍ രാവിലെ ഏഴരയോടെയായിരുന്നു അപകടം. ഉടന്‍ ആശുപത്രിയില്‍ എത്തിച്ചെങ്കിലും മരിച്ചു. ബത്തേരി ഐഎസ്എമ്മിന്റെ ആംബുലന്‍സാണ് അപകടത്തില്‍പ്പെട്ടത്. ദേശീയ പാതയിലെ സ്ഥിരം അപകടമേഖലയാണ് കൊളഗപ്പാറ.