ബിജെപി മുന്‍ മുഖ്യമന്ത്രിയുടെ മകന്‍ കോണ്‍ഗ്രസില്‍

ഡെറാഡൂണ്‍: മുതിര്‍ന്ന ബിജെപി നേതാവും ഉത്തരാഘണ്ഡ് മുന്‍ മുഖ്യമന്ത്രിയുമായ ഭുവന്‍ ചന്ദ്ര ഖണ്ഡൂരിയുടെ (ബിസി ഖണ്ഡൂരി) മകന്‍ മനീഷ് ഖണ്ഡൂരി കോണ്‍ഗ്രസില്‍ ചേര്‍ന്നു. ഉത്തരാഘണ്ഡ് തലസ്ഥാനമായ ഡെറാഡൂണില്‍ കോണ്‍ഗ്രസ്് അധ്യക്ഷന്‍ രാഹുല്‍ ഗാന്ധി പങ്കെടുത്ത തിരഞ്ഞെടുപ്പ് റാലിയില്‍ വച്ചാണ് മനീഷ് ഖണ്ഡൂരി പാര്‍ട്ടിയില്‍ ചേര്‍ന്നത്. മനീഷ്ിന്റെ വരവ് സംസ്ഥാനത്ത് പാര്‍ട്ടിയെ ശക്്തിപ്പെടുത്തുമെന്ന് രാഹുല്‍ ഗാന്ധി അഭിപ്രായപ്പെട്ടു. പൗരി മണ്ഡലത്തിയില്‍ നിന്ന് മനീഷ് കോണ്‍ഗ്രസ് ടിക്കറ്റില്‍ മല്‍സരിക്കുമെന്ന് അഭ്യൂഹമുണ്ട്. മനീഷ്് മല്‍സരത്തിനിറങ്ങിയാല്‍ പിതാവ് ബിസി ഖണ്ഡൂരിയെയാണ്് എതിരിടേണ്ടി വരിക. പ്രതിരോധ ചുമതലയുള്ള പാര്‍ലമെന്ററി സ്റ്റാന്റിങ് കമ്മിറ്റി ചെയര്‍മാനായിരുന്ന ബിസി ഖണ്ഡൂരിയെ കഴിഞ്ഞ വര്‍ഷം തല്‍സ്ഥാനത്തു നിന്ന് നീക്കിയിരുന്നു. അതേസമയം മനീഷ് ബിജെപി അംഗമായിരുന്നില്ലെന്ന് ബിജെപി ഉത്തരാഘണ്ഡ് സംസ്്ഥാന ഘടകം പ്രതികരിച്ചു.