സെപ്റ്റിക് ടാങ്ക് വൃത്തിയാക്കുന്നതിനിടെ ആറുപേര്‍ക്കു ദാരുണാന്ത്യം

ചെന്നൈ: സെപ്റ്റിക് ടാങ്ക് വൃത്തിയാക്കാനിറങ്ങിയ ആറുപേര്‍ വിഷവാതകം ശ്വസിച്ചു മരിച്ചു. മരിച്ചവരില്‍ മൂന്നുപേര്‍ ഒരേ കുടുംബാംഗങ്ങളാണ്. തമിഴ്‌നാട്ടിലെ കാഞ്ചീപുരത്ത് നെമിലി ഗ്രാമത്തിലാണ് ദുരന്തം. അപാര്‍ട്ട്‌മെന്റിലെ സെപ്റ്റിക് ടാങ്ക് വൃത്തിയാക്കാനിറങ്ങിയ നാലുപേര്‍ വിഷവാതകം ശ്വസിച്ചു കുഴഞ്ഞു വീഴുകയായിരുന്നു. ഇവരെ രക്ഷിക്കാനിറങ്ങിയ മറ്റു രണ്ടുപേരും ഉടനെ കുഴഞ്ഞു വീഴുകയായിരുന്നു. സംഭവത്തില്‍ കേസെടുത്തതായി പോലിസ് അറിയിച്ചു.