കന്യാകുമാരി തീരത്ത് കള്ളക്കടല് മുന്നറിയിപ്പ്; ഉയര്ന്ന തിരമാലകള്ക്ക് സാധ്യത, ജാഗ്രത നിര്ദേശം
തിരുവനന്തപുരം: കന്യാകുമാരി തീരത്ത് നീരോടി മുതല് ആരോക്യപുരം വരെയുള്ള മേഖലയില് കള്ളക്കടല് പ്രതിഭാസത്തിന്റെ ഭാഗമായി ഇന്ന് വൈകിട്ട് മുതല് നാളെ രാത്രി വരെ 0.8 മുതല് 1.0 മീറ്റര് വരെ ഉയര്ന്ന തിരമാലകള് ഉണ്ടാകാനിടയുണ്ടെന്ന് ദേശീയ സമുദ്രസ്ഥിതിപഠന ഗവേഷണ കേന്ദ്രം അറിയിച്ചു. ഇതിനെ തുടര്ന്നു കടലാക്രമണ സാധ്യത ഉയര്ന്നതിനാല് തീരദേശ മേഖലകളില് ജാഗ്രത ശക്തമാക്കണമെന്ന് അധികൃതര് നിര്ദേശിച്ചു. കടല്ക്ഷോഭം രൂക്ഷമാകാനിടയുള്ള സാഹചര്യത്തില് അപകട സാധ്യതയുള്ള പ്രദേശങ്ങളില് നിന്ന് ബന്ധപ്പെട്ട വകുപ്പുകളുടെ നിര്ദേശപ്രകാരം മാറി താമസിക്കണമെന്ന് ദുരന്ത നിവാരണ അതോറിറ്റി അറിയിച്ചു. ചെറിയ വള്ളങ്ങളും ബോട്ടുകളും കടലിലേക്ക് ഇറക്കുന്നത് ഒഴിവാക്കണമെന്നും നിര്ദേശം നല്കിയിട്ടുണ്ട്.
കള്ളക്കടല് പ്രതിഭാസവും ഉയര്ന്ന തിരമാലകളും അനുഭവപ്പെടുന്ന ഘട്ടത്തില് മല്സ്യബന്ധന യാനങ്ങള് കടലിലേക്ക് ഇറക്കുന്നതും കരക്കടുപ്പിക്കുന്നതും ഒരുപോലെ അപകടകരമാണെന്ന് മുന്നറിയിപ്പുണ്ട്. തിരമാല ശക്തമാകുന്ന സമയങ്ങളില് ഇത്തരം പ്രവര്ത്തനങ്ങള് പൂര്ണമായും ഒഴിവാക്കണം. ദേശീയ സമുദ്രസ്ഥിതിപഠന ഗവേഷണ കേന്ദ്രം മുന്നറിയിപ്പ് പിന്വലിക്കുന്നതുവരെ ബീച്ചുകളെ കേന്ദ്രീകരിച്ചുള്ള വിനോദസഞ്ചാര പ്രവര്ത്തനങ്ങള് ഉള്പ്പെടെ എല്ലാ കടല്ബന്ധിത വിനോദങ്ങളും നിര്ത്തിവെയ്ക്കണമെന്ന് അധികൃതര് വ്യക്തമാക്കി. മല്സ്യബന്ധന യാനങ്ങള് ഹാര്ബറില് സുരക്ഷിതമായി കെട്ടിയിട്ട് സൂക്ഷിക്കണമെന്നും വള്ളങ്ങള് തമ്മില് ആവശ്യമായ അകലം പാലിക്കണമെന്നും നിര്ദേശം നല്കി. മല്സ്യബന്ധന ഉപകരണങ്ങളുടെ സുരക്ഷയും ഉറപ്പാക്കണം.
തീരശോഷണ സാധ്യതയും നിലനില്ക്കുന്നതിനാല് തീരദേശവാസികളും സന്ദര്ശകരും അതീവ ജാഗ്രത പുലര്ത്തണമെന്ന് ദുരന്ത നിവാരണ വിഭാഗം അഭ്യര്ഥിച്ചു.
മഹാരാഷ്ട്രയില് ബഹുനില കെട്ടിടം തകര്ന്ന് എട്ടുമരണം; 25 പേരെ...
21 Sep 2020 2:40 AM GMTമലയാറ്റൂരില് പാറമടയില് പൊട്ടിത്തെറി; രണ്ട് അന്തര്സംസ്ഥാന...
21 Sep 2020 2:18 AM GMTകോഴിക്കോട് നാദാപുരത്ത് പുഴയില് കുളിക്കാനിറങ്ങിയ യുവാവ്...
21 Sep 2020 2:00 AM GMTസംസ്ഥാനത്തെ റേഷന്കടകള്ക്ക് ഇന്ന് അവധി
21 Sep 2020 1:36 AM GMTസംസ്ഥാനത്ത് ഇന്നും അതിതീവ്ര മഴ; പത്ത് ജില്ലകളില് ഓറഞ്ച് അലര്ട്ട്,...
21 Sep 2020 1:24 AM GMTരണ്ട് പുതിയ കണ്ടെയ്ന്മെന്റ് സോണുകള്; കോട്ടയം ജില്ലയില് ആകെ 32...
21 Sep 2020 12:50 AM GMT
