മധ്യപ്രദേശില്‍ ബസ് നദിയിലേക്ക് മറിഞ്ഞ് ആറ് മരണം;19 പേര്‍ക്ക് പരിക്ക്

ഭോപ്പാല്‍: മധ്യപ്രദേശിലെ രായ്‌സേന്‍ ജില്ലയില്‍ ബസ് നദിയിലേക്ക് മറിഞ്ഞ് ആറ് മരണം. 19 പേര്‍ക്ക് പരിക്കേറ്റു. ഇവരില്‍ 11 പേരുടെ നില ഗുരുതരമാണ്. അപകടത്തില്‍ പരിക്കേറ്റവരെ അടുത്തുള്ള ആശുപത്രിയില്‍ പ്രവേശിപ്പിച്ചു.

അര്‍ധരാത്രിയാണ് അപകടമുണ്ടായത്. രണ്ട് വയസുള്ള കുട്ടിയും ഒരു സ്ത്രീയും ഉള്‍പ്പെടെ ആറു പേരാണ് മരിച്ചത്. ചത്താര്‍പുര്‍ സ്വദേശി രവി ബന്‍സാല്‍, രായ്‌സേന്‍ സ്വദേശി സാഗര്‍ ബായ്, സാഗര്‍ സ്വദേശി അന്‍വര്‍ ഖാന്‍, ബെഗുംഗഞ്ച് സ്വദേശി യുസേഫ ഖാന്‍, രണ്ടുവയസുകാരന്‍ ദീപക് ബെന്‍സാല്‍ എന്നിവരാണ് മരിച്ചത്. ആറു പേരും സംഭവസ്ഥലത്തു തന്നെ മരിച്ചു.