കൊവിഡ് വന്നുപോയവര്ക്ക് കൊവാക്സിന് ഒറ്റഡോസ് മതിയെന്ന് പഠനം
ഇത് രാജ്യത്തെ വാക്സിന് വിതരണത്തിന് ഗുണകരമാകുമെന്നും പഠനത്തില് പറയുന്നു.
ന്യൂഡൽഹി: കൊവിഡ് വന്ന് പോയവര്ക്ക് ഒറ്റഡോസ് വാക്സിന് ഫലപ്രദമെന്ന് ഐസിഎംആര് പഠനം. രോഗം നേരത്തെ വന്ന് പോയവരില് കൊവാക്സിന് ഒറ്റ ഡോസ് രണ്ട് ഡോസിന്റെ ഫലം ചെയ്യുമെന്നും പഠനത്തില് പറയുന്നു. ശനിയാഴ്ച പുറത്തിറങ്ങിയ ഇന്ത്യന് ജേര്ണല് ഓഫ് മെഡിക്കല് സയന്സിലാണ് പഠനം പ്രസിദ്ധീകരിച്ചത്.
മുമ്പ് കൊവിഡ് ബാധിച്ചവര്ക്ക് കൊവാക്സിന് ഒറ്റ ഡോസ് മതിയെന്ന് പരീക്ഷണങ്ങളില് വ്യക്തമായി. ഇത് രാജ്യത്തെ വാക്സിന് വിതരണത്തിന് ഗുണകരമാകുമെന്നും പഠനത്തില് പറയുന്നു. നിലവില് കൊവിഡ് നേരത്തെ വന്നവര്ക്കും രണ്ട് ഡോസ് വാക്സിനാണ് നിര്ദേശിച്ചിരുന്നത്.
ഇന്ത്യ തദ്ദേശീയമായി വികസിപ്പിച്ച ആദ്യത്തെ വാക്സിനാണ് കൊവാക്സിന്. ഭാരത് ബയോടെക്കാണ് ഉല്പാദകര്. ഫെബ്രുവരി മുതല് മെയ് വരെ കൊവാക്സിന് സ്വീകരിച്ച 114 ആരോഗ്യപ്രവര്ത്തകുടെ രക്തസാമ്പിളുകള് എടുത്താണ് പഠനം നടത്തിയത്. കൊവിഡ് നേരത്തെ വന്ന് പോയവരില് കൊവാക്സിന് ഒറ്റ ഡോസ് വാക്സിന് രണ്ട് ഡോസ് വാക്സീന് എടുത്തവര്ക്ക് തുല്യമായി ആന്റിബോഡി കണ്ടെത്തിയെന്നും പഠനത്തില് പറയുന്നു.
രാജ്യത്ത് ഇപ്പോള് നല്കുന്ന വാക്സിനുകളില് ജോണ്സണ് ആന്ഡ് ജോണ്സണ് ഒഴികെ മറ്റുള്ളവയെല്ലാം രണ്ട് ഡോസാണ് നല്കുന്നത്. കൊവിഡ് വന്നുപോയവരില് ആന്റിബോഡി സ്വാഭാവികമായുണ്ടാകുമെന്നും അതുകൊണ്ടുതന്നെ മൂന്ന് മാസത്തിന് ശേഷം മാത്രമേ വാക്സിന് സ്വീകരിക്കാവൂവെന്നുമാണ് നിലവിലെ മാനദണ്ഡം.
മഹാരാഷ്ട്രയില് ബഹുനില കെട്ടിടം തകര്ന്ന് എട്ടുമരണം; 25 പേരെ...
21 Sep 2020 2:40 AM GMTമലയാറ്റൂരില് പാറമടയില് പൊട്ടിത്തെറി; രണ്ട് അന്തര്സംസ്ഥാന...
21 Sep 2020 2:18 AM GMTകോഴിക്കോട് നാദാപുരത്ത് പുഴയില് കുളിക്കാനിറങ്ങിയ യുവാവ്...
21 Sep 2020 2:00 AM GMTസംസ്ഥാനത്തെ റേഷന്കടകള്ക്ക് ഇന്ന് അവധി
21 Sep 2020 1:36 AM GMTസംസ്ഥാനത്ത് ഇന്നും അതിതീവ്ര മഴ; പത്ത് ജില്ലകളില് ഓറഞ്ച് അലര്ട്ട്,...
21 Sep 2020 1:24 AM GMTരണ്ട് പുതിയ കണ്ടെയ്ന്മെന്റ് സോണുകള്; കോട്ടയം ജില്ലയില് ആകെ 32...
21 Sep 2020 12:50 AM GMT
