പുല്‍വാമ ആക്രമണം കലാരംഗത്തെയും ബാധിക്കുന്നു; സല്‍മാന്‍ ഖാന്‍ ചിത്രത്തില്‍ നിന്നും ആതിഫ് അസ്‌ലമിനെ ഒഴിവാക്കിയേക്കും

ന്യഡല്‍ഹി: സല്‍മാന്‍ഖാന്‍ നിര്‍മിക്കുന്ന നോട്ട്ബുക്ക് എന്ന ചിത്രത്തില്‍ നിന്നും പാക് ഗായകന്‍ ആതിഫ് അസ്‌ലമിനെ ഒഴിവാക്കിയേക്കുമെന്നു റിപോര്‍ട്ട്. പുല്‍വാമ ആക്രമണത്തിന്റെ പശ്ചാത്തലിത്തിലാണു നടപടി. പുല്‍വാമ ആക്രമണം കായികരംഗത്തടക്കം നിരവധി മേഖലകളില്‍ വിള്ളല്‍ വീഴ്ത്തിയിരുന്നു. ഇതാണ് ഇപ്പോള്‍ കലാരംഗത്തേക്കും വ്യാപിക്കുന്നത്. പുല്‍വാമ ആക്രമണം നടന്നതോടെ ആത്തിഫ് അസ്‌ലം, ഫത്തേഹ് അലി ഖാന്‍ എന്നിവരുടെ ഗാനങ്ങള്‍ ടീ സീരിസ് യുട്യൂബില്‍ നിന്ന് നീക്കം ചെയ്തിരുന്നു. പാക് കലാകാരന്‍മാരെ ഇന്ത്യന്‍ ഫിലിം ഇന്‍ഡസ്ട്രിയുടെ ഭാഗമാക്കില്ലെന്നു ആള്‍ ഇന്ത്യ സിനി വര്‍ക്കേഴ്‌സ് അസോസിയേഷന്‍ നേരത്തെ അറിയിക്കുകയും ചെയ്തിരുന്നു.