പുല്‍വാമ ആക്രമണത്തില്‍ പങ്കില്ലെന്ന് പാകിസ്ഥാന്‍

ശ്രീനഗര്‍: പുല്‍വാമയിലുണ്ടായ ആക്രമണത്തില്‍ തങ്ങള്‍ക്ക് പങ്കില്ലെന്നു പാകിസ്ഥാന്‍. ഇന്ത്യന്‍ മാധ്യമങ്ങളില്‍ അന്വേഷണം നടത്താതെ പാകിസ്ഥാനെതിരേ ഉയരുന്ന ആരോപണം അടിസ്ഥാനരഹിതമാണ്. ലോകത്ത് നടക്കുന്ന ഇത്തരം ആക്രമണങ്ങളെയെല്ലാം അപലപിക്കുകയാണെന്നും പാകിസ്ഥാന്‍ വ്യക്തമാക്കി. അതേസമയം, പുല്‍വാമ ആക്രമണത്തില്‍ പാകിസ്ഥാനെതിരേ ആഞ്ഞടിച്ച് ജമ്മുകശ്മീര്‍ ഗവര്‍ണര്‍ സത്യപാല്‍ മാലിക്ക് രംഗത്തെത്തി. ആക്രമണം നടക്കുന്നതിന് ദിവസങ്ങള്‍ക്ക് മുമ്പ് ഇന്ത്യയ്‌ക്കെതിരേ പാകിസ്ഥാനില്‍ സായുധര്‍ തുറന്ന വെല്ലുവിളിയുമായി പ്രകടനം നടത്തിയിരുന്നു. പാകിസ്ഥാന്റെ നിരാശയില്‍നിന്നാണ് ഇത്തരമൊരു ഹീനമായ ആക്രമണമുണ്ടായിരിക്കുന്നതെന്നും സത്യപാല്‍ മാലിക് പറഞ്ഞു.