രാജ്യവ്യാപക വോട്ടര് പട്ടിക തീവ്രപരിഷ്കരണം; നടപടി ആരംഭിക്കാന് ചീഫ് ഇലക്ടറല് ഓഫീസര്മാര്ക്ക് നിര്ദ്ദേശം
ന്യൂഡല്ഹി: രാജ്യവ്യാപകമായി വോട്ടര് പട്ടിക തീവ്രപരിഷ്കരണം നടപ്പാക്കാനൊരുങ്ങി കേന്ദ്ര തിരഞ്ഞെടുപ്പ് കമ്മീഷന്. നടപടികള് ആരംഭിക്കാന് ചീഫ് ഇലക്ടറല് ഓഫീസര്മാര്ക്ക് കമ്മീഷന് നിര്ദ്ദേശം നല്കി. സുപ്രിംകോടതിയില് നല്കിയ സത്യവാങ്മൂലത്തിലാണ് കേന്ദ്ര തെരഞ്ഞെടുപ്പ് കമ്മീഷന് നിലപാട് അറിയിച്ചത്. ജനുവരി ഒന്നിനുള്ളില് നടപടികള് പൂര്ത്തിയാക്കും. വോട്ടര് പട്ടിക തീവ്ര പരിഷ്കരണം ആവശ്യപ്പെട്ടുള്ള ഹരജി തിങ്കളാഴ്ച സുപ്രീംകോടതി പരിഗണിക്കാനിരിക്കെയാണ് കേന്ദ്ര തെരഞ്ഞെടുപ്പ് കമ്മീഷന്റെ സത്യവാങ്മൂലം. അടുത്ത വര്ഷം നിയമസഭാ തിരഞ്ഞെടുപ്പ് നടക്കാനിരിക്കുന്ന കേരളം ഉള്പ്പടെയുള്ള സംസ്ഥാനങ്ങളിലാണ് വോട്ടര് പട്ടിക തീവ്ര പരിഷ്കരണം നടപ്പാക്കുന്നത്.
ഇതിനായി സംസ്ഥാനങ്ങളിലെയും കേന്ദ്രഭരണ പ്രദേശങ്ങളിലെയും ചീഫ് ഇലക്ടറല് ഓഫീസര്മാര്ക്ക് ആവശ്യമായ നിര്ദ്ദേശം നല്കി. ജൂണ് 24-ലെ തീരുമാനം അനുസരിച്ച് പ്രത്യേകമായാണ് വോട്ടര് പട്ടിക തീവ്ര പരിഷ്കരണം. ഇതിനാവശ്യമായ സമയക്രമവും തീരുമാനിച്ചിട്ടുണ്ട്. വോട്ടര് പട്ടിക തീവ്ര പരിഷ്കരണം ഉടന് ആരംഭിക്കണമെന്നാണ് തിരഞ്ഞെടുപ്പ് കമ്മീഷന്റെ നിര്ദ്ദേശം.
2026 ജനുവരി 26-നകം വോട്ടര് പട്ടിക തീവ്ര പരിഷ്കരണ നടപടികള് പൂര്ത്തിയാക്കണം. ബുധനാഴ്ച ദില്ലിയില് ചേര്ന്ന യോഗത്തില് ചീഫ് ഇലക്ടറല് ഓഫീസര്മാര്ക്ക് നിര്ദ്ദേശം നല്കിയെന്നുമാണ് തിരഞ്ഞെടുപ്പ് കമ്മീഷന്റെ സത്യവാങ്മൂലം. ബിഹാറിലാണ് വോട്ടര് പട്ടിക തീവ്ര പരിഷ്കരണ നടപടികള് കമ്മീഷന് ആദ്യം ആരംഭിച്ചത്.
മഹാരാഷ്ട്രയില് ബഹുനില കെട്ടിടം തകര്ന്ന് എട്ടുമരണം; 25 പേരെ...
21 Sep 2020 2:40 AM GMTമലയാറ്റൂരില് പാറമടയില് പൊട്ടിത്തെറി; രണ്ട് അന്തര്സംസ്ഥാന...
21 Sep 2020 2:18 AM GMTകോഴിക്കോട് നാദാപുരത്ത് പുഴയില് കുളിക്കാനിറങ്ങിയ യുവാവ്...
21 Sep 2020 2:00 AM GMTസംസ്ഥാനത്തെ റേഷന്കടകള്ക്ക് ഇന്ന് അവധി
21 Sep 2020 1:36 AM GMTസംസ്ഥാനത്ത് ഇന്നും അതിതീവ്ര മഴ; പത്ത് ജില്ലകളില് ഓറഞ്ച് അലര്ട്ട്,...
21 Sep 2020 1:24 AM GMTരണ്ട് പുതിയ കണ്ടെയ്ന്മെന്റ് സോണുകള്; കോട്ടയം ജില്ലയില് ആകെ 32...
21 Sep 2020 12:50 AM GMT
