കള്ളപ്പണം വെളുപ്പിക്കല് കേസ്: ജുഡീഷ്യല് കസ്റ്റഡി കാലാവധി നീട്ടി; ബിനീഷ് കോടിയേരി ജയിലില് തുടരും
കള്ളപ്പണം വെളുപ്പിക്കല് കേസില് ബിനീഷ് അറസ്റ്റിലായിട്ട് 117 ദിവസമായി. കേസില് ജാമ്യം ആവശ്യപ്പെട്ട് ബിനീഷ് നല്കിയ അപേക്ഷ കോടതി കഴിഞ്ഞദിവസം തള്ളിയിരുന്നു. ഇതിന് പിന്നാലെയാണ് ജുഡീഷ്യല് കസ്റ്റഡി കാലാവധി നീട്ടിയത്.
ബംഗളൂരു: കള്ളപ്പണം വെളുപ്പിക്കല് കേസില് അറസ്റ്റിലായ ബിനീഷ് കോടിയേരിയുടെ ജുഡീഷ്യല് കസ്റ്റഡി കാലാവധി നീട്ടി. അടുത്തമാസം 23 വരെയാണ് കാലാവധി കോടതി നീട്ടിയത്. കള്ളപ്പണം വെളുപ്പിക്കല് കേസില് ബിനീഷ് അറസ്റ്റിലായിട്ട് 117 ദിവസമായി. കേസില് ജാമ്യം ആവശ്യപ്പെട്ട് ബിനീഷ് നല്കിയ അപേക്ഷ കോടതി കഴിഞ്ഞദിവസം തള്ളിയിരുന്നു. ഇതിന് പിന്നാലെയാണ് ജുഡീഷ്യല് കസ്റ്റഡി കാലാവധി നീട്ടിയത്.
കാലാവധി അവസാനിക്കുന്ന ദിവസം ബിനീഷിനെ വീണ്ടും കോടതിയില് ഹാജരാക്കും. കേസില് ഇതുവരെ രണ്ടുതവണയാണ് ബിനീഷ് കോടിയേരി ജാമ്യത്തിനായി കോടതിയെ സമീപിച്ചിരിക്കുന്നത്. എന്നാല്, രണ്ടുതവണയും കോടതിയില്നിന്നും ബിനീഷിന് തിരിച്ചടിയാണുണ്ടായത്. അന്വേഷണം പൂര്ത്തിയായിട്ടില്ലാത്തതിനാല് ജാമ്യം അനുവദിക്കരുതെന്ന ഇഡിയുടെ ആവശ്യപ്രകാരമാണ് ബിനീഷിന് കഴിഞ്ഞദിവസം ജാമ്യം നിഷേധിച്ചത്.
അതേസമയം, ബംഗളൂരു മയക്കുമരുന്ന് കേസില് ബിനീഷ് കോടിയേരിയെച്ചൊല്ലി രണ്ട് കേന്ദ്ര അന്വേഷണ ഏജന്സികളും രണ്ടുതട്ടിലെന്നാണ് വിവരം. ബിനീഷിനെ പ്രതിപ്പട്ടികയില് പോലും ചേര്ക്കാതെയാണ് നാര്ക്കോട്ടിക് കണ്ട്രോള് ബ്യൂറോ കോടതിയില് കുറ്റപത്രം നല്കിയത്. എന്നാല്, ബിനീഷ്, മുഹമ്മദ് അനൂപിനെ ബിനാമിയാക്കി ലഹരി ഇടപാടിലൂടെ കോടികള് സമ്പാദിച്ചെന്നായിരുന്നു ഇഡിയുടെ കുറ്റപത്രം.
RELATED STORIES
കട്ടപ്പനയിൽ കാട്ടുപന്നി കിണറ്റിൽ വീണു; വനം വകുപ്പ് ഉദ്യോഗസ്ഥരെത്തി...
20 April 2024 10:41 AM GMTത്രിപുരയില് വീണ്ടും വോട്ടെടുപ്പ് നടത്തണമെന്ന് ഇടതുമുന്നണി; പരാതിക്ക്...
20 April 2024 10:40 AM GMTതനിക്കെതിരെ എസ്എഫ്ഐ നടത്തിയത് പ്രതിഷേധമല്ല, ആക്രമണമാണ്: ഗവര്ണര്...
20 April 2024 10:34 AM GMTപക്ഷിപ്പനി; പഞ്ചായത്ത് തല സമിതികള് കൂടി മേല്നടപടികള് സ്വീകരിക്കും: ...
20 April 2024 10:30 AM GMTതൊഴിലാളികളെ രാഷ്ട്രീയവല്ക്കരിക്കും; എസ്ഡിടിയു സംസ്ഥാന പ്രതിനിധി...
20 April 2024 10:27 AM GMTനുണക്ക് സമ്മാനം കൊടുക്കുകയാണെങ്കിൽ ഒന്നാം സ്ഥാനം വിഡി സതീശന് കിട്ടും : ...
20 April 2024 10:26 AM GMT