മോദിയുടെ ഹെലികോപ്റ്റര് പരിശോധിച്ച ഉദ്യോഗസ്ഥനെ സസ്പെന്റ് ചെയ്ത നടപടി; തിരഞ്ഞെടുപ്പ് കമ്മീഷനെതിരേ മുന് തിരഞ്ഞെടുപ്പ് കമ്മീഷണര്
പ്രധാനമന്ത്രി സ്ഥിരമായി പെരുമാറ്റച്ചട്ടം ലംഘിക്കുന്നു. എല്ലായ്പോഴും തിരഞ്ഞെടുപ്പ് കമ്മീഷന് ഇതു നോക്കി നില്ക്കുകയും ചെയ്യുന്നു. ഇത് പൊതു ജനം കാണുന്നുണ്ട്. മോദിയുടെ ഹെലികോപ്റ്റര് പരിശോധിച്ച നടപടി, നിയമം എല്ലാവര്ക്കും ഒരുപോലെയാണെന്ന സന്ദേശമാണ് നല്കുന്നതെന്നും ഖുറേഷി പറഞ്ഞു
ഭുവനേശ്വര്: ഒഡീഷയിലെ സംബല്പുരില് തിരഞ്ഞെടുപ്പ് പ്രചാരണത്തിനെത്തിയ പ്രധാനമന്ത്രി നരേന്ദ്ര മോദിയുടെ ഹെലികോപ്റ്ററില് പരിശോധന നടത്തിയ തിരഞ്ഞെടുപ്പ് നിരീക്ഷകനെ സസ്പെന്റ് ചെയ്ത തിരഞ്ഞെടുപ്പ് കമ്മീഷന് നടപടിക്കെതിരേ മുന് തിരഞ്ഞെടുപ്പ് കമ്മീഷണര് എസ് വൈ ഖുറേഷി. പ്രധാനമന്ത്രി നരേന്ദ്ര മോദിയുടെ ഹെലികോപ്റ്ററില് പരിശോധന നടത്തിയ, കര്ണാടക കേഡറിലെ ഐഎഎസ് ഉദ്യോഗസ്ഥനായ മുഹമ്മദ് മുഹ്സിനെ സസ്പെന്റ് ചെയ്ത നടപടി ശരിയല്ലെന്നു ഖുറേഷി പറഞ്ഞു. പ്രധാനമന്ത്രി സ്ഥിരമായി പെരുമാറ്റച്ചട്ടം ലംഘിക്കുന്നു. എല്ലായ്പോഴും തിരഞ്ഞെടുപ്പ് കമ്മീഷന് ഇതു നോക്കി നില്ക്കുകയും ചെയ്യുന്നു. ഇത് പൊതു ജനം കാണുന്നുണ്ട്. മുഹമ്മദ് മുഹ്സിനെ സസ്പെന്റ് ചെയ്ത കമ്മീഷന്റെ നടപടി തെറ്റാണ്. മോദിയുടെ ഹെലികോപ്റ്റര് പരിശോധിച്ച നടപടിയെ എതിര്ക്കേണ്ടതില്ല. ഹെലികോപ്റ്റര് പരിശോധിച്ച നടപടി, നിയമം എല്ലാവര്ക്കും ഒരുപോലെയാണെന്ന സന്ദേശമാണ് നല്കുന്നതെന്നും ഖുറേഷി പറഞ്ഞു. മോദി വരുന്നതിനു ഒരു ദിവസം മുമ്പു സാംബല്പുരിലെത്തിയ ബിജെപി എംപിയും കേന്ദ്രമന്ത്രിയുമായ ധര്മേന്ദ്ര പ്രധാന്റെ ഹെലികോപ്റ്റര് ഉദ്യോഗസ്ഥര് പരിശോധിച്ചിരുന്നു. പരിശോധനക്കെത്തിയ ഉദ്യോഗസ്ഥരെ മന്ത്രി എതിര്ക്കുന്ന വീഡിയോ സാമൂഹിക മാധ്യമങ്ങളില് വ്യാപകമായി പ്രചരിച്ചിരുന്നു.
RELATED STORIES
യുഎസ് കാംപസുകളില് ഫലസ്തീന് അനുകൂല പ്രതിഷേധങ്ങള് ആളിക്കത്തുന്നു;...
25 April 2024 10:48 AM GMTവീണ്ടും ഗുരുതര ആരോപണവുമായി ആന്റോ ആന്റണി;പോളിങ് ഉദ്യോഗസ്ഥരുടെ...
25 April 2024 10:47 AM GMTമാസപ്പടി കേസ്;അടുത്ത മാസം മൂന്നിന് വിധി
25 April 2024 10:44 AM GMTവോട്ടിന് കിറ്റ്: ജനാധിപത്യത്തെ അട്ടിമറിക്കാനുള്ള നീക്കത്തില് പൗരസമൂഹം ...
25 April 2024 9:33 AM GMTശബരിമല ഗ്രീന്ഫീല്ഡ് വിമാനത്താവളം: ഭൂമി ഏറ്റെടുക്കാനുള്ള സര്ക്കാര്...
25 April 2024 9:08 AM GMTപ്രധാനമന്ത്രിയുടെ പ്രസംഗം എക്സ് ഹാന്റിലിൽ പങ്കുവെച്ചു; ബിജെപിക്കെതിരെ...
25 April 2024 7:34 AM GMT