വരന്‍ മദ്യപിച്ചെത്തി; വധു വിവാഹത്തില്‍ നിന്നു പിന്‍മാറി

പട്‌ന: സുഹൃത്തുക്കളോടൊപ്പം വിഹാവത്തിനു മദ്യപിച്ചെത്തിയ വരനുമായുള്ള വിവാഹത്തില്‍ നിന്നു വധു പിന്‍മാറി. വിവാഹ ദിനത്തില്‍ പോലും മദ്യപിച്ചെത്തിയ വരനെ വേണ്ടെന്നു വിവാഹത്തിനു നിമിഷങ്ങള്‍ക്കു മുമ്പ വധു തീരുമാനിക്കുകയായിരുന്നു. ബീഹാറിലെ അക്ബര്‍പൂര്‍ സ്വദേശിനിയാണ് പോലിസ് ഉദ്യോഗസ്ഥനായ ഉദയ് രാജകുമായുള്ള വിവാഹത്തില്‍ നിന്നു പിന്‍മാറിയത്. വ്യാഴാഴ്ച രാത്രി നിശ്ചയിച്ച വിവാഹത്തിനു തിലക്പൂര്‍ സ്വദേശിയായ ഉദയും കൂട്ടുകാരും എത്തിയത് മദ്യലഹരിയിലായിരുന്നു. തുടര്‍ന്നു വധുവിന്റെ ബന്ധുക്കളുമായി വഴക്കിടുകയും അവരെ മര്‍ദിക്കുകയും ചെയ്തു. ഇതോടെ ഇവരുടെ അടുത്തെത്തിയ വധു താന്‍ വിവാഹത്തില്‍ നിന്നു പിന്‍മാറുന്നതായി അറിയിക്കുകയായിരുന്നു. തുടര്‍ന്നു വധുവിന്റെ ബന്ധുക്കള്‍ വിവരമറിയിച്ചതിനെ തുടര്‍ന്നു സ്ഥലത്തെത്തിയ പോലിസ് ഉദയിനെ അറസ്റ്റു ചെയ്തു.