2019 ന് മുമ്പ് ബിജെപിക്ക് കിട്ടിയത് 1450 കോടി; സുപ്രിംകോടതിയില് നല്കിയ ഇലക്ട്രല് ബോണ്ട് വിവരങ്ങളും പുറത്ത് വിട്ടു
2017-18 സാമ്പത്തിക വര്ഷത്തില് ബിജെപിക്ക് കിട്ടിയത് 500 ബോണ്ടുകളാണ്. ഇതിലൂടെ 210 കോടി ബിജെപിക്ക് ലഭിച്ചു. 2019 തിരഞ്ഞെടുപ്പിന് മുമ്പ് 1450 കോടിയുടെ ബോണ്ട് ബിജെപിക്ക് ലഭിച്ചു. ഇതേ കാലയളവില് കോണ്ഗ്രസിന് 383 കോടിയാണ് കിട്ടിയത്. ഈ കാലയളവില് ഡിഎംകെയ്ക്ക് 656.5 കോടിയുടെ ബോണ്ട് ലഭിച്ചു. ഇതില് 509 കോടിയും വിവാദ വ്യവസായി സാന്റിയാഗോ മാര്ട്ടിന്റെ കമ്പനിയില് നിന്നായിരുന്നു.
വീണ്ടും ചൊവ്വാഴ്ച സുപ്രിംകോടതി പരിഗണിക്കാനിരിക്കെ സര്ക്കാരിനെ പ്രതിരോധത്തിലാക്കുന്ന കൂടുതല് വിവരങ്ങളാണ് ഓരോ ദിവസവും പുറത്തു വരുന്നത്. കൂടുതല് ബോണ്ട് വാങ്ങിയ ആദ്യ അഞ്ച് കമ്പനികളുടെ പട്ടികയില് മൂന്നും അന്വേഷണം നേരിടുന്നതിന്റെ തെളിവുകള് നേരത്തെ വന്നിരുന്നു. കേന്ദ്ര ഏജന്സികളുടെ അന്വേഷണം നേരിടുന്ന നിരവധി നിര്മ്മാണ കമ്പനികളും ബോണ്ടുകള് വാങ്ങി. പതിനൊന്ന് നിര്മ്മാണ കമ്പനികള് ചേര്ന്ന് വാങ്ങിയത് 506 കോടിയുടെ ബോണ്ടാണ്. ഇതില് ചെന്നൈ ഗ്രീന് വുഡ്സ്, വൈഎസ്ആര് കോണ്ഗ്രസ് എംപി അയോധ്യ രാമി റെഡ്ഡിയുമായി ബന്ധമുള്ള മധ്യപ്രദേശ് വേസ്റ്റ് മാനേജ്മെന്റ് എന്നീ സ്ഥാപനങ്ങള് ചേര്ന്ന് വാങ്ങിയത് 111 കോടിയുടെ ബോണ്ടാണ്.
ആദായനികുതി വകുപ്പ് റെയ്ഡ് കഴിഞ്ഞ് അഞ്ചു മാസത്തിനുള്ളിലായിരുന്നു രണ്ടു കമ്പനികളുടെയും നീക്കം. സഞ്ജീവ് ഗോയങ്കയുടെ ഉടമസ്ഥതയിലുള്ള ഒരു സ്ഥാപനം 115 കോടിയുടെ ബോണ്ട് വാങ്ങിയത് 2022 ഒക്ടോബറിലാണ്.
RELATED STORIES
കര്ണാടകയിലെ ഹാസനില് എസ്ഡിപിഐക്ക് പഞ്ചായത്ത് പ്രസിഡന്റ്
30 April 2024 5:18 AM GMTഅമിത് ഷാ സഞ്ചരിച്ച ഹെലികോപ്ടറിന് പറന്നുയരുന്നതിനിടെ നിയന്ത്രണം...
29 April 2024 12:58 PM GMTഹേമന്ത് സോറന്റെ അറസ്റ്റ്; എന്ഫോഴ്സ്മെന്റ് ഡയറക്ടറേറ്റിന്...
29 April 2024 12:56 PM GMTസുനിതയും അതിഷിയും തിഹാർ ജയിലിലെത്തി കെജ് രിവാളിനെ കണ്ടു
29 April 2024 12:47 PM GMTആരാധനാലയങ്ങളുടെ പേരില് വോട്ട് തേടി; മോദിയെ അയോഗ്യനാക്കണമെന്ന ഹരജി...
29 April 2024 12:23 PM GMTഅമിത് ഷായുടെ കൃത്രിമ വീഡിയോ; തെലങ്കാന മുഖ്യമന്ത്രിക്ക് പോലിസിന്റെ...
29 April 2024 12:10 PM GMT