വിവാഹ പാര്‍ട്ടിയിലേക്ക് ട്രക്ക് പാഞ്ഞു കയറി 13 പേര്‍ മരിച്ചു

പ്രതാപ്ഗഡ്: രാജസ്ഥാനിലെ പ്രതാപ്ഗഡില്‍ വിവാഹ പാര്‍ട്ടിയിലേക്കു ട്രക്ക് പാഞ്ഞ് കയറി 13 പേര്‍ മരിച്ചു. 15 പേര്‍ക്ക് പരിക്കേറ്റു. ജില്ലയിലെ അംബവാലി ഗ്രാമത്തില്‍ പ്രതാപ്ഗഡ്-ജയ്പൂര്‍ ഹൈവേയിലാണ് അപകടം. ഹൈവേക്ക് സമീപത്തെ വീടുകളില്‍ താമസിക്കുന്നവര്‍ വിവാഹ ചടങ്ങിന്റെ ഭാഗമായി റോഡരികിലൂടെ നടന്നുപോകവേയാണ് അപകടം നടന്നത്. ഒമ്പതു പേര്‍ സംഭവസ്ഥലത്തും നാലുപേര്‍ ആശുപത്രിയിലേക്കുള്ള വഴിയിലുമാണ് മരിച്ചത്. വധു ഉള്‍പ്പെടെ 15 പേര്‍ക്കു പരിക്കേറ്റു.