പത്രാധിപരുടെ കൊലപാതകം: സഹപ്രവര്‍ത്തക പിടിയില്‍

മുംബൈ: കഴിഞ്ഞ ദിവസം കൊല്ലപ്പെട്ട നിലയില്‍ കാണപ്പെട്ട പത്രാധിപര്‍ നിത്യാനന്ദ് പാണ്ഡെയുടെ കൊലപാതകവുമായി ബന്ധപ്പെട്ടു സഹപ്രവര്‍ത്തക അറസ്റ്റില്‍. ഇന്ത്യ അണ്‍ബൗണ്ട് മാസികയുടെ പത്രാധിപരായ നിത്യാനന്ദ് പാണ്ഡെയുടെ മൃതദേഹമാണ് ഞായറാഴ്ച ഭീവണ്ടി നഗരത്തിലെ പാലത്തിനടിയില്‍ കാണപ്പെട്ടത്. നിത്യാനന്ദ് വര്‍ഷങ്ങളായി തന്നെ ലൈംഗികമായി പീഡിപ്പിക്കുകയായിരുന്നുവെന്നും ഇതിനാലാണ് കൊല നടത്തിയതെന്നും പിടിയിലായ യുവതി പറഞ്ഞതായി പോലിസ് പറഞ്ഞു. അതേസമയം ഭീഷണിപ്പെടുത്തി പണം തട്ടിയതിനു മുംബൈയിലടക്കം നിരവധി കേസുകളുള്ളയാളാണ് നിത്യാനന്ദ. വെള്ളിയാഴ്ച മുതലാണ് നിത്യാനന്ദയെ കാണാതായത്.