എസ്ഡിപിഐ നല്‍കിയ പരാതിയില്‍ നടപടിയായി; തെരുവ് വിളക്കുകള്‍ പ്രകാശിച്ചു

വാടാനപ്പള്ളി: വാടാനപ്പള്ളി ബീച്ച് റഹ്മത്ത് നഗര്‍ ,ഫാറൂഖ് നഗര്‍ പടിഞ്ഞാറ് വശം,ദുബായ് റോഡ്, പോസ്റ്റാഫിസ് മേഖലയില്‍ ആഴ്ചയില്‍ ഏറെയായി പ്രകാശിക്കാത്ത തെരുവ് വിളക്കുകള്‍ പ്രകാശിപ്പിക്കാന്‍ ആവശ്യമായ നടപടി സ്വീകരിക്കണമെന്നാവശ്യപ്പെട്ടു എസ്ഡിപിഐ റഹ്മത്ത് നഗര്‍ ബ്രാഞ്ച് കമ്മിറ്റി നല്‍കിയ പരാതിക്ക് പരിഹാരമായി. തെരുവ് വിളക്കുകള്‍ പ്രകാശിച്ചു. എസ്ഡിപിഐ നല്‍കിയ പരാതിയുടെ അടിസ്ഥാനത്തില്‍ കെഎസ്ഇബി ജീവനക്കാര്‍ എത്തി പ്രശ്‌നം പരിഹരിക്കുകയായിരുന്നു.

അതേ സമയം മഴക്കാലമായതോടെ അപകട സാധ്യത മുന്നില്‍ കണ്ട് പഞ്ചായത്തിലേ മറ്റുമേഖലകളിലെ പ്രകാശിക്കാത്ത മുഴുവന്‍ തെരുവ് വിളക്കുകളും എത്രയും വേഗം പ്രകാശിപ്പിക്കണമെന്ന് എസ്ഡിപിഐ പഞ്ചായത്ത് വൈസ് പ്രസിഡന്റ് നിഷാമുദ്ദീന്‍ അവശ്യപ്പെട്ടു.