ക്ഷേത്രത്തില്‍ അധികാരത്തര്‍ക്കം; ഭരണസമിതി പ്രസിഡന്റിന് കുത്തേറ്റു

കൊല്ലം: ക്ഷേത്രത്തില്‍ അധികാര തര്‍ക്കത്തെ തുടര്‍ന്ന് ഭരണസമിതി പ്രസിഡന്റിന് കുത്തേറ്റു. അഞ്ചല്‍ അയിലറ ആയിരവല്ലി മഹാദേവ ഭരണസമിതി പ്രസിഡന്റ് കലുങ്ക് ജങ്ഷനില്‍ മുരളീഭവനില്‍ മുരളീധരന്‍ പിള്ളക്കാണ് കുത്തേറ്റത്. സംഭവത്തില്‍ അയിലറ അജി ഭവനില്‍ അനില്‍കുമാര്‍ അറസ്റ്റിലായി.

ക്ഷേത്രത്തിന്റെ ഭരണാധികാരത്തെ പറ്റി ട്രസ്റ്റ് ഭാരവാഹികളും വിശ്വാസികളും തമ്മില്‍ കോടതിയില്‍ കേസ് നിലനില്‍ക്കുന്നുണ്ട്. ക്ഷേത്ര ഉത്സവത്തിന്റെ നടത്തിപ്പ് ചുമതല ഈ വര്‍ഷം പൊതുജനങ്ങള്‍ക്കായിരുന്നു. മധ്യസ്ഥ ചര്‍ച്ചയിലുണ്ടായ കരാര്‍ പ്രകാരം ഉത്സവശേഷം ക്ഷേത്രത്തിന്റെ താക്കോല്‍ ഭരണസമിതിക്ക് തിരികെ കൈമാറിയിരുന്നു. ഇതിന് പിന്നാലെ തര്‍ക്കം രൂക്ഷമാവുകയായിരുന്നു.