തിരുവനന്തപുരത്ത് മല്‍സരിക്കാന്‍ നരേന്ദ്രമോദിയെ വെല്ലുവിളിച്ച് ശശി തരൂര്‍
രാഹുലിനെ പോലെ ദക്ഷിണേന്ത്യയില്‍ മല്‍സരിച്ച് ജയിക്കാന്‍ മോദിക്ക് ധൈര്യമുണ്ടോ. രാഹുല്‍ ഗാന്ധി വയനാട്ടില്‍ മല്‍സരിക്കാനെത്തിയാല്‍ സംസ്ഥാനത്തെ 20 സീറ്റിലും ഗുണം ചെയ്യുമെന്നും ശശി തരൂര്‍.
23 March 2019 9:37 AM GMT
തിരുവനന്തപുരം: പ്രധാനമന്ത്രി നരേന്ദ്രമോദിയെ തിരുവനന്തപുരം മണ്ഡലത്തില്‍ മല്‍സരിക്കാന്‍ വെല്ലുവിളിച്ച് ശശി തരൂര്‍. കോണ്‍ഗ്രസ് അധ്യക്ഷന്‍ രാഹുല്‍ ഗാന്ധി വയനാട്ടില്‍ മല്‍സരിക്കാനെത്തിയാല്‍ സംസ്ഥാനത്തെ 20 സീറ്റിലും ഗുണം ചെയ്യുമെന്നും തിരുവനന്തപുരം മണ്ഡലത്തിലെ യുഡിഎഫ് സ്ഥാനാര്‍ഥി ശശി തരൂര്‍. ദേശീയ പാര്‍ട്ടിയുടെ അധ്യക്ഷന്‍ ഇവിടെ മല്‍സരിക്കാനെത്തുന്നത് കേരളത്തിന്റെ മഹത്വത്തിന് തെളിവാണ്.
വളരെ സന്തോഷമുണ്ട്. ഇതു സംസ്ഥാനത്തിന്റെ ആവേശം കൂട്ടും. 20 ലോക്‌സഭാ മണ്ഡലങ്ങളിലും യുഡിഎഫ് വിജയിക്കും. രാഹുലിനെ പോലെ ദക്ഷിണേന്ത്യയില്‍ മല്‍സരിച്ച് ജയിക്കാന്‍ മോദിക്ക് ധൈര്യമുണ്ടോ. തിരുവനന്തപുരത്ത് മല്‍സരിക്കാന്‍ അദ്ദേഹം തയ്യാറാണോയെന്നും തരൂര്‍ ചോദിച്ചു.
Next Story
