22 സീറ്റ് നേടിയാല്‍ കര്‍ണാടകയില്‍ 24 മണിക്കൂറിനുള്ളില്‍ ബിജെപി സര്‍ക്കാര്‍ വരും: യെദ്യൂരപ്പ

ബംഗളൂരു: ലോക്‌സഭാ തിരഞ്ഞടുപ്പില്‍ 22 സീറ്റുകള്‍ നേടിയാല്‍ കര്‍ണാടകയില്‍ വീണ്ടും ബിജെപി അധികാരത്തില്‍ വരുമെന്ന് ബിജെപി സംസ്ഥാന അധ്യക്ഷന്‍ യെദ്യൂരപ്പ. ബിജെപി വിജയിച്ചാല്‍ 24 മണിക്കൂറിനുള്ളല്‍ സംസ്ഥാന സര്‍ക്കാര്‍ രൂപീകരിക്കും. പാകിസ്താനെതിരെയായ നരേന്ദ്ര മോദിയുടെ നടപടി സംസ്ഥാനത്ത് ബിജെപിക്ക് അനുകൂലമാവുമെന്ന യെദ്യൂരപ്പയുടെ പരാമര്‍ശം നേരത്തേ വിവാദമായിരുന്നു. കര്‍ണാടകയിലെ 6.5 കോടി ജനങ്ങളും ഇപ്പോഴത്തെ സംസ്ഥാന സര്‍ക്കാറിനെതിരാണെന്നും ബിജെപി അധികാരത്തിലേറുക എന്നത് പ്രയാസമെല്ലെന്നും അദ്ദേഹം പറഞ്ഞു.