യോഗി ആദിത്യനാഥ് ഉത്തര്പ്രദേശ് മുഖ്യമന്ത്രിയായി സ്ഥാനമേറ്റു
ലഖ്നൗ: ഉത്തര്പ്രദേശ് മുഖ്യമന്ത്രിയായി യോഗി ആദിത്യനാഥ് സത്യപ്രതിജ്ഞ ചെയ്തു. ഇത് രണ്ടാം തവണയാണ് അദ്ദേഹം മുഖ്യമന്ത്രിസ്ഥാനത്തെത്തുന്നത്. പ്രധാനമന്ത്രി നരേന്ദ്രമോദി, കേന്ദ്ര ആഭ്യന്തര മന്ത്രി അമിത് ഷാ തുടങ്ങി നിരവധി നേതാക്കള് ചടങ്ങില് പങ്കെടുത്തു. ഗവര്ണര് ആനന്ദിബെന് പട്ടേല് സത്യവാചകം ചൊല്ലിക്കൊടുത്തു.
സംസ്ഥാന ഉപമുഖ്യമന്ത്രിമാരായി കേശവ് പ്രസാദ് മൗര്യയും ബ്രജേഷ് പഥക്കും സത്യപ്രതിജ്ഞ ചെയ്തു.
ഇന്നലെ നടന്ന ബിജെപി എംഎല്എമാരുടെ യോഗമാണ് യോഗിയെ നിയമസഭാകക്ഷി നേതാവായി തിരഞ്ഞെടുത്തത്. പുതുതായി തിരഞ്ഞെടുക്കപ്പെട്ട പാര്ട്ടി എംഎല്എമാരുടെ യോഗത്തില് പാര്ട്ടിയുടെ മുതിര്ന്ന നേതാവ് സുരേഷ് കുമാര് ഖന്നയാണ് ആദിത്യനാഥിന്റെ പേര് നിര്ദേശിച്ചത്.
ബേബി റാണി മൗര്യ, സൂര്യ പ്രതാപ് ഷാഹി തുടങ്ങിയവര് ഈ നിര്ദ്ദേശത്തെ പിന്തുണച്ചു. അപ്നാദള് (എസ്) നേതാവ് ആശിഷ് പട്ടേലും നിഷാദ് പാര്ട്ടി നേതാവ് സഞ്ജയ് നിഷാദും അവരുടെ എംഎല്എമാര്ക്കൊപ്പം യോഗത്തില് പങ്കെടുത്തു.
403 അംഗ നിയമസഭയില് 273 സീറ്റുകളിലും വിജയിച്ച ബിജെപിക്ക് ഒറ്റയ്ക്ക് സര്ക്കാര് രൂപീകരിക്കാനുള്ള ഭൂരിപക്ഷമുണ്ട്. പുതുമുഖങ്ങള്ക്ക് പ്രാധാന്യം നല്കുന്നതാണ് രണ്ടാം യോഗി മന്ത്രി സഭ. പതിനഞ്ച് മുതല് ഇരുപത് വരെ പുതുമുഖ മന്ത്രിമാര് രണ്ടാം യോഗി സര്ക്കാരിന്റെ ഭാഗമാകും. എകെ ശര്മ, ബേബി റാണി മൗര്യ, ബ്രിജേഷ് പഥക്, ജിതിന് പ്രസാദ, അസിം അരുണ്, സ്വതന്ത്ര ദേവ് സിങ്ങ്, ദിനേഷ് കാഥിക്, സന്ദീപ് സിങ്, അരുണ് വാല്മീകി, ആഷിഷ് പട്ടേല്, സഞ്ജയ് നിഷാദ് തുടങ്ങി 52 മന്ത്രിമാരും സ്ഥാനമേറ്റു.
RELATED STORIES
ഇ പി എന്ന പാപി
27 April 2024 1:30 PM GMTകെ കെ എസ് ദാസിന്റെ വേര്പാടില് എസ് ഡിപിഐ അനുശോചിച്ചു
27 April 2024 10:04 AM GMTപയ്യന്നൂരിൽ പോളിങ് സ്റ്റേഷനിൽ ബൂത്ത് ഏജന്റുമാർക്ക് മർദനം
27 April 2024 9:04 AM GMTഎല്ഡിഎഫ് ബൂത്ത് കമ്മിറ്റി ഓഫിസിലേക്ക് വാഹനം ഇടിച്ചുകയറി; ആറുപേര്ക്ക് ...
27 April 2024 9:03 AM GMTകേരളത്തിൽ 71.16 ശതമാനം പോളിങ്; മാറ്റം വരാമെന്ന് തിരഞ്ഞെടുപ്പ്...
27 April 2024 8:56 AM GMTമൂന്നാറിൽ ജനവാസമേഖലയിൽ ഇറങ്ങിയത് മൂന്ന് കടുവകൾ
27 April 2024 8:55 AM GMT