ചിന്നക്കനാലില്‍ വീണ്ടും വീട് തകര്‍ത്ത് അരിക്കൊമ്പന്‍

ഇടുക്കി: ചിന്നക്കനാലില്‍ വീണ്ടും അരിക്കൊമ്പന്റെ ആക്രമണം. ചിന്നക്കനാല്‍ 301 കോളനിയില്‍ ഒരു വീട് തകര്‍ത്തു. എമിലി ജ്ഞാനമുത്തുവിന്റെ വീടാണ് അരിക്കൊമ്പന്‍ അക്രമിച്ചത്. മൂന്നാര്‍ ചൊക്കനാട് എസ്‌റ്റേറ്റില്‍ ഇക്കഴിഞ്ഞ ബുധനാഴ്ചയും കാട്ടാനയുടെ ആക്രമണമുണ്ടായിരുന്നു. പുണ്യാവേലിന്റെ കടക്കുനേരെയായിരുന്നു കാട്ടാനയുടെ ആക്രമണമുണ്ടായത്.

ഒരാഴ്ചയ്ക്കിടെ രണ്ടുതവണയാണ് പുണ്യവേലിന്റെ കട ആക്രമിച്ചത്. ഇതിനിടെ ഇടുക്കിയിലെ ചിന്നക്കനാല്‍, ശാന്തന്‍പാറ പഞ്ചായത്തുകളിലെ കാട്ടാന ആക്രമണത്തിന് പരിഹാരം കാണാനുള്ള വിശദമായ റിപോര്‍ട്ട് വനംവകുപ്പ് ചീഫ് വെറ്റിനറി സര്‍ജന്‍ ഡോ.അരുണ്‍ സഖറിയ മൂന്നാര്‍ ഡിഎഫ്ഒക്ക് കൈമാറി. റിപോട്ട് ഇന്ന് ഹൈറേഞ്ച് സര്‍ക്കിള്‍ കണ്‍സര്‍വേറ്റര്‍ വഴി ചീഫ് വൈല്‍ഡ് ലൈഫ് വാര്‍ഡന് സമര്‍പ്പിക്കും.