വെല്ഫെയര് പാര്ട്ടിയുടെ എസ്സി, എസ്ടി അവകാശ സംരക്ഷണ പ്രക്ഷോഭത്തില് അജിത് യാദവ് മുഖ്യാതിഥിയാകും
തിരുവനന്തപുരം: എസ്സി, എസ്ടി മേഖലയിലെ ഭരണകൂട തട്ടിപ്പിനും ആസൂത്രിതമായ കൈകടത്തലിനും സംവരണ അട്ടിമറിക്കുമെതിരെ വെല്ഫെയര് പാര്ട്ടി സെക്രട്ടറിയേറ്റിനു മുന്നില് സംഘടിപ്പിക്കുന്ന അവകാശ സംരക്ഷണ പ്രക്ഷോഭം മാര്ച്ച് 24 ന് ദേശീയ സെക്രട്ടറി അജിത് യാദവ് മുഖ്യാതിഥിയായി പങ്കെടുത്ത് ഉദ്ഘാടനം ചെയ്യും. എസ്സി, എസ്ടി സ്പെഷ്യല് റിക്രൂട്ട്മെന്റ് സെല് പുനഃസ്ഥാപിക്കുക, എയ്ഡഡ് സ്വകാര്യ മേഖല സംവരണം നടപ്പിലാക്കുക, എസ്. സി / എസ്. ടി ഫണ്ട് തട്ടിപ്പ് തടയുക തുടങ്ങിയ വിവിധ ആവശ്യങ്ങള് ഉന്നയിച്ചു കൊണ്ട് മാര്ച്ച് 24 ന് രാവിലെ 10 മണി മുതല് നടക്കുന്ന പ്രക്ഷോഭത്തില് വിവിധ സാംസ്കാരിക, രാഷ്ട്രീയ, സമുദായ നേതാക്കള് പങ്കെടുക്കും.
ആദിവാസി-ദലിത് സമൂഹങ്ങളുടെ പുരോഗതിയെ തടയുന്ന ബോധപൂര്വമായ ശ്രമങ്ങള് ഉദ്യോഗസ്ഥ ഭരണകൂടത്തിന്റെ ഭാഗത്തു നിന്ന് നിരന്തരം ഉണ്ടാകുന്നുവെന്ന് പരിപാടിയുടെ കണ്വീനര് കൂടിയായ വെല്ഫെയര് പാര്ട്ടി സംസ്ഥാന അസിസ്റ്റന്റ് സെക്രട്ടറി മിര്സാദ് റഹ്മാന് പത്രക്കുറിപ്പില് പറഞ്ഞു. കെ കെ ബാബുരാജ്, സണ്ണി എം കപിക്കാട്, ഇന്ത്യന് ലേബര് പാര്ട്ടി സംസ്ഥാന ജനറല് സെക്രട്ടറി എ കെ സജീവ്, അനന്തു രാജ് (അംബേദ്കറൈറ്), വിനില് പോള്, സതിശ്രീ ദ്രാവിഡ് (ആദിശക്തി സമ്മര് സ്കൂള്), അഖില്ജിത് കല്ലറ (ബഹുജന് യൂത്ത് മൂവ്മെന്റ്), വെല്ഫെയര് പര്ട്ടി സംസ്ഥാന വൈസ് പ്രസിഡണ്ട് സുരേന്ദ്രന് കരിപ്പുഴ, സംസ്ഥാന ജനറല് സെക്രട്ടറി കെ എ ഷെഫീഖ് തുടങ്ങിയവര് പ്രക്ഷോഭ പരിപാടിയില് പങ്കെടുക്കും.
RELATED STORIES
ഹാത്റസിലെ ബിജെപി എംപി ഹൃദയാഘാതത്തെ തുടര്ന്ന് മരിച്ചു
24 April 2024 4:30 PM GMTകലാശക്കൊട്ട് കഴിഞ്ഞു മടങ്ങിയ സിഐടിയു തൊഴിലാളി ജീപ്പില്നിന്ന് വീണു...
24 April 2024 4:13 PM GMTലോക്സഭാ തിരഞ്ഞെടുപ്പ്: രാജ്യത്തിന്റെ വീണ്ടെടുപ്പ് മുഖ്യ...
24 April 2024 2:41 PM GMTമോദിയുടെ വിദ്വേഷ പരാമര്ശങ്ങളെ വിമര്ശിച്ചു; ന്യൂനപക്ഷ മോര്ച്ച...
24 April 2024 2:36 PM GMTഅറ്റകുറ്റപ്പണി; മാഹി പാലം 29 മുതല് മെയ് 10 വരെ അടച്ചിടും
24 April 2024 2:19 PM GMT'തിരിച്ചടി കിട്ടാതെ കൂത്താടി നടന്ന കാലമൊക്കെ കഴിഞ്ഞു'; ഗസ...
24 April 2024 12:56 PM GMT