യുപിയില്‍ ട്രാക്ടര്‍ ട്രോളി മറിഞ്ഞ് രണ്ട് മരണം

ലഖ്‌നോ: ഉത്തര്‍പ്രദേശിലെ മെയിന്‍പുരിയില്‍ ട്രാക്ടര്‍ ട്രോളി മറിഞ്ഞ് രണ്ടുപേര്‍ മരിച്ചു. ബിച്ചാവാന്‍ പോലിസ് സ്‌റ്റേഷന്‍ പരിധിയിലെ ബാലാര്‍പൂര്‍ ഗ്രാമത്തിലാണ് സംഭവം. ഉരുളക്കിഴങ്ങുമായി പോവുകയായിരുന്ന ട്രാക്ടര്‍ കലുങ്കിലിടിക്കുകയായിരുന്നു.

കനത്ത മഞ്ഞിനെത്തുടര്‍ന്ന് കാഴ്ച മറഞ്ഞതാണ് അപകടകാരണം. ഉരുളക്കിഴങ്ങ് ചാക്കുകള്‍ക്കടിയില്‍പ്പെട്ടാണ് രണ്ടുപേര്‍ മരിച്ചത്. നാട്ടുകാരുടെ സഹായത്തോടെയാണ് പോലിസ് ഇവരുടെ മൃതദേഹം പുറത്തെടുത്തത്. മൃതദേഹങ്ങള്‍ ആശുപത്രിയിലേക്കു മാറ്റി.