തിരൂര്‍ മണ്ഡലം എസ്ഡിപിഐ സ്ഥാനാര്‍ത്ഥി അഷറഫ് പുത്തനത്താണി പത്രിക സമര്‍പ്പിച്ചു

തിരൂര്‍: തിരൂര്‍ നിയോജക മണ്ഡലം എസ്ഡിപിഐ സ്ഥാനാര്‍ത്ഥി അഷറഫ് പുത്തനത്താണി പത്രിക സമര്‍പ്പിച്ചു. മലപ്പുറം ഇറിഗേഷന്‍ ഡിവിഷന്‍ എക്‌സിക്യൂട്ടീവ് എഞ്ചിനീയര്‍ സുജ മുമ്പാകെയാണ് പത്രിക സമര്‍പ്പിച്ചത്. ഇടത്-വലത് മുന്നണികളുടെ ധ്രുവീകരണ രാഷ്ട്രീയത്തെ ജനങ്ങള്‍ അവജ്ഞയോടെ തള്ളികളയുമെന്നും ഇരു മുന്നണികളുടെയും ബിജെപി അനുകൂല നിലപാടുകള്‍ ഈ തിരഞ്ഞെടുപ്പില്‍ ചര്‍ച്ചയായിയിരിക്കുമ്പോള്‍ ജനങ്ങള്‍ എസ്ഡിപിഐയുടെ സാന്നിധ്യം ആഗ്രഹിക്കുന്നതായും പത്രിക സമര്‍പ്പണത്തിന് ശേഷം അഷറഫ് പുത്തനത്താണി പറഞ്ഞു.

സി.പി മുഹമ്മദലി, കെ ജാഫര്‍ ഹാജി, കെ.സി സമീര്‍, മുസ്തഫ കൈത്തക്ക ര, കുഞ്ഞറമുട്ടി ഹാജി എടക്കുളം, നിസാര്‍ അഹമ്മദ്, ഷാഹുല്‍ ഹമീദ് കോന്നല്ലൂര്‍ എന്നിവര്‍ സ്ഥാനാര്‍ത്ഥിയെ അനുഗമിച്ചു.

പുത്തനത്താണിയിലെ ഓട്ടോ െ്രെഡവര്‍മാരാണ് അഷറഫ് പുത്തനത്താണിക്ക് കെട്ടിവെക്കാനുള്ള തുക നല്‍കിയത്.