പുതുച്ചേരിയില്‍ ഇന്നുമുതല്‍ കടകളും ഫാക്ടറികളും തുറക്കും

പുതുച്ചേരി: ലോക്ക് ഡൗണിനെ തുടര്‍ന്ന് അടച്ചുപൂട്ടിയ ഫാക്ടറികളും കടകളും ഇന്നുമുതല്‍ തുറക്കുമെന്ന് പുതുച്ചേരി മന്ത്രിസഭാ യോഗത്തില്‍ മുഖ്യമന്ത്രി നാരായണസാമി പ്രഖ്യാപിച്ചു.ഇന്നുമുതല്‍ മുന്‍കൂര്‍ അനുമതിയില്ലാതെ ഫാക്ടറികള്‍ പ്രവര്‍ത്തിക്കാനാണ് അനുമതി നല്‍കിയിട്ടുള്ളത്.

എല്ലാ കടകളും തുറക്കാന്‍ അനുമതിയുണ്ട്. രാവിലെ 6 മുതല്‍ വൈകീട്ട് 5 വരെ കടകള്‍ തുറക്കാം. സാമൂഹിക അകലം പാലിച്ചില്ലെങ്കില്‍ നടപടിയെടുക്കും. രാവിലെ 6 മുതല്‍ വൈകീട്ട് 5 വരെ റെസ്‌റ്റോറന്റുകള്‍ തുറക്കാനാവുമെങ്കിലും പാര്‍സല്‍ വില്‍പ്പന മാത്രമായിരിക്കും. എന്നാല്‍, മദ്യശാകള്‍ തുറക്കുന്ന കാര്യത്തില്‍ മന്ത്രിസഭ തീരുമാനമെടുത്തിട്ടില്ല.