Latest News

കര്‍ണാടകയിലേക്ക് പോയവരെ ചാപ്പകുത്തിയ സംഭവം; ബിജെപി നിലപാട് വ്യക്തമാക്കണമെന്ന് സിപിഎം

കര്‍ണാടക ഭരിക്കുന്ന ബിജെപി സര്‍ക്കാരിന്റെ നടപടി കാടത്തമാണെന്നും സിപിഎം കുറ്റപ്പെടുത്തി.

കര്‍ണാടകയിലേക്ക് പോയവരെ ചാപ്പകുത്തിയ സംഭവം; ബിജെപി നിലപാട് വ്യക്തമാക്കണമെന്ന് സിപിഎം
X

കല്‍പ്പറ്റ: ഇഞ്ചി കൃഷിയുമായി ബന്ധപ്പെട്ട് കര്‍ണാടകയിലേക്ക് പോയ കര്‍ഷകരുടെ ദേഹത്ത് ചാപ്പ കുത്തിയ സംഭവത്തില്‍ ബിജെപി നിലപാട് വ്യക്തമാക്കണമെന്ന് സിപിഎം വയനാട് ജില്ലാ സെക്രട്ടറിയറ്റ്ആവശ്യപ്പെട്ടു.

മനുഷ്യത്വരഹിതമായ സംഭവം കര്‍ഷകരോടും ജില്ലയിലെ ജനങ്ങളോടുമുള്ള കടുത്ത അവഹേളനമാണ് ക്വാറന്റൈന്‍ മുദ്ര എന്നപേരില്‍ നടത്തിയ ഈ അപരിഷ്‌കൃത ചാപ്പകുത്തല്‍ സംഭവമെന്നും മുഖ്യമന്ത്രി പിണറായി വിജയന്‍ അടിയന്തമായി ഇടപെട്ടതിനാലാണ് നിര്‍ത്തിക്കാന്‍ സാധിച്ചതെന്നും കര്‍ണാടക ഭരിക്കുന്ന ബിജെപി സര്‍ക്കാരിന്റെ നടപടി കാടത്തമാണെന്നും സിപിഎം കുറ്റപ്പെടുത്തി.

തൊട്ടതിനെല്ലാം കേരളത്തെ കുറ്റപ്പെടുത്തുന്ന ബിജെപി ദേശിയ നേതാക്കള്‍ ഉള്‍പ്പടെയുള്ളവര്‍ കര്‍ണാടക ബിജെപി സര്‍ക്കാരിന്റെ ഈ അപരിഷ്‌കൃത സമീപനത്തില്‍ നയം വ്യക്തമാക്കണം. വിഷയത്തില്‍ രാഹുല്‍ഗാന്ധിയും മറുപടി പറയണം. വയനാട് പാര്‍ലമെന്റംഗമായ രാഹുല്‍ഗാന്ധി വിഷയത്തില്‍ സ്വീകരിക്കുന്ന മൗനം കോണ്‍ഗ്രസ് നിലപാടാണൊ എന്നും കോണ്‍ഗ്രസ് വ്യക്തമാക്കണമെന്നും സെക്രട്ടറിയറ്റ് പ്രസ്താവനയില്‍ ആവശ്യപ്പെട്ടു.

Next Story

RELATED STORIES

Share it