മോദിയുടെ ഛായാചിത്രം നീക്കം ചെയ്തതിനെ ചൊല്ലി തര്ക്കം; 63 ബിജെപി പ്രവര്ത്തകര് അറസ്റ്റില്
കോയമ്പത്തൂര് ജില്ലയിലെ വെള്ളല്ലൂര് ടൗണ് പഞ്ചായത്ത് ഓഫിസില് നിന്ന് മോദിയുടെ ഛായചിത്രം നീക്കം ചെയ്തതിനെതിരേയാണ് ബിജെപി പ്രവര്ത്തകര് പ്രതിഷേധിച്ചത്
കോയമ്പത്തൂര്: പ്രധാനമന്ത്രി നരേന്ദ്ര മോദിയുടെ ഛായാചിത്രം പഞ്ചായത്ത് ഓഫിസില് നിന്ന് കൗണ്സിലര് നീക്കം ചെയ്തതിനെ ചൊല്ലി പ്രതിഷേധിച്ച 63 ബിജെപി പ്രവര്ത്തകര് അറസ്റ്റില്.കോയമ്പത്തൂര് ജില്ലയിലെ വെള്ളല്ലൂര് ടൗണ് പഞ്ചായത്ത് ഓഫിസില് നിന്ന് മോദിയുടെ ഛായചിത്രം നീക്കം ചെയ്തതിനെതിരേയാണ് ബിജെപി പ്രവര്ത്തകര് പ്രതിഷേധിച്ചത്. പ്രതിഷേധക്കാരെ സിറ്റി പോലിസ് അറസ്റ്റ് ചെയ്തു നീക്കുകയായിരുന്നു.
ശനിയാഴ്ച രാവിലെ 11.30 ഓടെയാണ് വെള്ളല്ലൂര് ബിജെപി മണ്ഡലം പ്രസിഡന്റ് വരദരാജന്റെ നേതൃത്വത്തില് 30 ഓളം വരുന്ന ബിജെപി പ്രവര്ത്തകര് ഓഫിസില് ഫോട്ടോ പതിക്കുകയായിരുന്നു. ഫോട്ടോ പതിക്കാന് എക്സിക്യൂട്ടീവ് ഓഫിസര് അനുമതി നല്കിയെന്നാണ് ഇവര് പറയുന്നത്. ഉച്ചയ്ക്ക് 12.30ഓടെ കൗണ്സിലര് കനകരാജ് ഓഫിസിലെത്തി ഫോട്ടോ നീക്കം ചെയ്തു.
ഫോട്ടോ നീക്കം ചെയ്തതിനെ തുടര്ന്ന് ബിജെപി സൗത്ത് ജില്ലാ പ്രസിഡന്റ് കെ വസന്തരാജന്റെ നേതൃത്വത്തിലുള്ള പ്രവര്ത്തകര് ഓഫിസിനു മുന്നില് തടിച്ചുകൂടി കൗണ്സിലര്ക്കെതിരേ മുദ്രാവാക്യം വിളിച്ചു.പോലിസെത്തി പ്രതിഷേധക്കാരെ അറസ്റ്റ് ചെയ്ത് നീക്കുകയായിരുന്നു. സ്വതന്ത്ര സ്ഥാനാര്ത്ഥിയായി മത്സരിച്ചാണ് കനകരാജ് വിജയിച്ചതെങ്കിലും ഭരണകക്ഷിയായ ഡിഎംകെ അദ്ദേഹത്തെ പിന്തുണച്ചിരുന്നു.കനകരാജിനെതിരേ പ്രാദേശിക ബിജെപി അംഗങ്ങള് പോത്തനൂര് പോലീസ് സ്റ്റേഷനില് പരാതി നല്കി.
RELATED STORIES
ഹാത്റസിലെ ബിജെപി എംപി ഹൃദയാഘാതത്തെ തുടര്ന്ന് മരിച്ചു
24 April 2024 4:30 PM GMTകലാശക്കൊട്ട് കഴിഞ്ഞു മടങ്ങിയ സിഐടിയു തൊഴിലാളി ജീപ്പില്നിന്ന് വീണു...
24 April 2024 4:13 PM GMTലോക്സഭാ തിരഞ്ഞെടുപ്പ്: രാജ്യത്തിന്റെ വീണ്ടെടുപ്പ് മുഖ്യ...
24 April 2024 2:41 PM GMTമോദിയുടെ വിദ്വേഷ പരാമര്ശങ്ങളെ വിമര്ശിച്ചു; ന്യൂനപക്ഷ മോര്ച്ച...
24 April 2024 2:36 PM GMTഅറ്റകുറ്റപ്പണി; മാഹി പാലം 29 മുതല് മെയ് 10 വരെ അടച്ചിടും
24 April 2024 2:19 PM GMT'തിരിച്ചടി കിട്ടാതെ കൂത്താടി നടന്ന കാലമൊക്കെ കഴിഞ്ഞു'; ഗസ...
24 April 2024 12:56 PM GMT